Bazar ertəsi, 29 Noyabr 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Yaralı yoldaşını döyüşdən çıxararkən şəhid olan qəhrəman artilleriyaçı - Video, Foto

Vətən müharibəsi şəhidi Rəşid Mədinov Suqovuşan, Xocavənd və Füzuli döyüşlərində qəhrəmanlıqla savaşıb. Qəhrəman topçu yaralı döyüş yoldaşını atəş altından çıxararkən şəhidlik zirvəsinə ucalıb.

PİA.az AZƏRTAC-a istinadən bildirir ki, Rəşid Nəzər oğlu Mədinov 1996-cı il aprelin 24-də Xaçmazın Yeni Həyat qəsəbəsində dünyaya göz açıb. Qırızlı kəndində böyüyən Rəşid həmişə vətənpərvərliyi və ətrafındakılara xoş münasibəti ilə seçilib.

Rəşid onuncu sinfi bitirdikdən sonra Bakı Dövlət Sosial-İqtisadi Kollecinə qəbul olunub. Kollecdə təhsilini başa vurduqdan sonra 2015-ci ilin iyulunda əsgərliyə yollanıb. Hərbi xidmətini Murovdağda keçən Rəşid Aprel döyüşlərində də iştirak edib. Döyüşlərdə baş artilleriya atıcısı olaraq düşmənə qan uddurub. Qəhrəman döyüşçü tərifnamə və fərqlənmə diplomları ilə təltif olunub.

Vətən müharibəsi başlamazdan öncə keçirilən təlimlərə çağırılanlar sırasında yer alıb. Suqovuşan, Xocavənd və Füzuli döyüşlərində iştirak edən Rəşid artilleriya bölmələrinin tərkibində böyük qəhrəmanlıq göstərib.

"Telefonla danışanda müharibədə olduğunu məndən gizlətdi. Dedi ki, biz cəbhədən arxadayıq. Böyük ümidlərim, arzularım vardı. Hamısı puç oldu. Allah bütün şəhidlərimizə rəhmət eləsin, qazilərimizə cansağlığı versin", - deyə şəhidin anası Naibə Mədinova söyləyib.

Rəşid Mədinovun son döyüşü oktyabrın 13-də Füzulinin Pirəhmədli kəndi yaxınlığında olub. Yaralı yoldaşını döyüş meydanından çıxararkən yaxınlığında artilleriya mərmisi partlayıb. Partlayış nəticəsində ağır qəlpə yaraları alan Rəşid Vətən müharibəsinin 17-ci günü şəhidlik zirvəsinə ucalıb.

Atası Nəzər Mədinov deyib: "Səfərbərlik çağırışı əsasında təlimlərə cəlb olundu. Çox sevinclə, ürəklə getdi. Vətən müharibəsində də qəhrəmanlıqla iştirak edib. Hadrutda və Füzulidə döyüşüb. Döyüş yoldaşlarının dediyinə görə, Rəşid yaralı hərbçimizi atəş altından çıxarmaq üçün irəli atılıb. Döyüş yoldaşını səngərə gətirməyə cəhd edərkən yaxınlığında mərmi partlayıb. Oğlum qəhrəmanlıqla şəhid olub".

Qəhrəman döyüşçü oktyabrın 14-ü doğulub boya-başa çatdığı Xaçmaz rayonunun Yeni Həyat qəsəbə qəbiristanlığında dəfn olunub.

Ölümündən sonra "Suqovuşanın azad olunmasına görə" və "Vətən uğrunda" medalları ilə təltif edilib.

pia.az


Etiket:


Digərxəbərlər

Populyar xəbərlər

Naxçıvandan qarmaqarışıq xəbərlər... -  Vasif Talıbov bütün varidatını “zorən hərraca” çıxarıb?

Kiçik övladları olan valideynlərə xəbərdarlıq: Baş nazir qərar verdi - Video

Daxili Qoşunların Füzulidə minaya düşmüş hərbçilərinin adları bəlli oldu - Yenilənib, Video

İlham Əliyev Qurbanqulu Berdiməhəmmədovla görüşüb - Yenilənib, Video

Tərəf müqabili ilə sevgi yaşayan, iki dəfə intihara cəhd edən Xalq artisti...

Ərdoğan İƏT ölkələrini  Azərbaycanın yanında olmağa çağırıb

Gözlənilməyən qətlin qurbanının edam tarixçəsi- Əhməd Əhmədovun məhkəmə fotoları

Bakıda məşhur restoranda kütləvi dava - Polis 20 nəfəri saxlayıb...

Ərdoğan: "Zəngəzur dəhlizinin önəmi böyükdür" - Yenilənib

Prezident İlham Əliyev İranın dövlət başçısı ilə görüşüb - Yenilənib

Azərbaycan ordusunun Qubadlı-Laçın istiqamətində hücumu: nə baş vermişdi...

100 milyonluq krediti milyon-milyon “əritmək”… – Sahil Babayevin nazirliyindəki tender korrupsiyasının yeni detalları

Ən çox oxunanalar