Xorvatiya prezidenti Zoran Milanoviç Rusiyanın Ukraynadakı müharibə nəticəsində uduzacağı və nəticədə “parçalana biləcəyi” fikrini ağılsızlıq adlandırıb…
PİA.az xəbər verir ki, bu barədə Britaniyanın The Independent nəşrinin məlumatında bildirilir. Siyasətçi həmçinin Kiyevə öldürücü silahların verilməsinin əleyhinə çıxıb. Xorvatiya liderinin fikrincə, bu, müharibəni uzadır.
“Ukraynaya silah göndərməkdə məqsəd nədir? Rusiyanın parçalanması, hakimiyyət dəyişikliyi? Söhbət gedir ki, Rusiyanı parçalamaq lazımdır. Bu çılğınlıqdır. Başqa bir ölkədə döyüşən nüvə gücünə qarşı müharibə planlayırsıınız?” deyə Milanoviç öz müttəfiqlərinin Rusiyaya qarşı davranışlarını təəccüblə qarşılayıb..
Xorvatiya prezidenti indiki münaqişədə ABŞ-ın rolundan da danışıb. O bildirib ki, baş verənlərə görə ən az zərəri Vaşinqton ödəyir. Milanoviç hesab edir ki, Avropa bu müharibəyə görə digərlərindən daha çox əziyyət çəkir.
Qeyd edək ki, bir müddət əvvəl Xorvatiya prezidenti bildirmişdi ki, Rusiya 2014-2022-ci illərdə Ukraynada hərbi əməliyyatlara başlamaq üçün təhrik edilib. O, vurğulamışdı ki, Ukraynanı dəstəkləyən Qərbin bu münaqişədə məqsədi aydın deyil, çünki Rusiyanın arsenalında “altı min nüvə döyüş başlıqları” var.
pia.az
Digərxəbərlər
Populyar xəbərlər
