Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Vahid Əhmədov: "Unun kisəsi 42-43 manat olacaq"

“Çörəyin qiyməti faktiki artıb. Son vaxtlar müəyyən qıtlıq var idi, rayonlarda unla bağlı problem də yaranmışdı. Dünya bazarında buğdanın qiyməti kifayət qədər yüksəkdir, təxminən 365 dollara qədər qalxıb. Biz taxılı əsasən xaricdən idxal etdiyimiz üçün çörəyin qiymətində belə bir problem yaranır. Əlbəttə, bu, çox ciddi məsələdir. Un strateji məhsuldur. Unun bir kisəsi artıq 40 manat 70 qəpik oldu, təxminən, 41 manat. Daşınma xərci və s. hesablayanda unun kisəsi 42-43 manatadək çıxacaq. Əlbəttə, bu, aztəminatlı ailələr, pensiya alanlar üçün problemlər yarada bilər. Amma başa düşmək lazımdır ki, bu, artıq dövlətdən asılı məsələ deyil. Çünki taxılı xaricdən idxal edirik”.

Bu sözləri Pravda.az-a açıqlamasında Milli Məclisin deputatı Vahid Əhmədov deyib.

Deputat bildirib ki, Azərbaycanda qiymət artımı gözlənilən idi: “Hələ bir müddət əvvəl iqtisadiyyat naziri məlumat vermişdi ki, müəyyən qıtlıq gözlənilir. Artıq qiymətin artacağı aydın idi. Dünən Lvovda Türkiyə Prezidenti Rəcəb Tayyib Ərdoğan, Ukrayna Prezidenti Volodimir Zelenski və BMT-nin Baş katibi Antonio Quterreş arasında keçirilən üçtərəfli görüşdə müəyyən razılığa gəlindi. Artıq Ukraynadan taxılın ixracına geniş imkan yaradılır. Bu gün məlumat aldım ki, buğdanın qiymətində müəyyən enmələr olacaq. Çörəyin, unun qiymətinin belə artması, əlbəttə, sosial vəziyyət üçün problemli məsələdir. Dövlət bütün bunları nəzərə alaraq, müəyyən yardımlara, humanitar məsələlərə gələcəkdə baxa bilər”.

Vahid Əhmədov çörəyin qiyməti artdıqca çəkisinin azaldılması məsələsinə də münasibət bildirib: “Bu fikirlə razıyam, düzdür. 500 qramlıq çörək faktiki olaraq yoxdur, çəksən, hardasa 400 qramlıqdır. Bununla əlaqədar hökumətin müvafiq qurumları işləməlidir. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti var. Düzdür, onlar bu məsələlərə nəzarət edirlər, amma nəzarəti gücləndirmək lazımdır. Çörəyin qiyməti 55 qəpiyə qalxıbsa, 500 qramlıq olmalıdır, 400-450 qram yox. Nəzarətdə saxlanılmalıdır. Çörəyin keyfiyyətində problem yaranmamalıdır. Cənab Prezident İlham Əliyev buğda istehsalı ilə əlaqədar xüsusi göstərişlər verib. Bütün rayonlara, işğaldan azad olunmuş ərazilərdə artıq taxıl əkilib-biçilir. İş gedir, Azərbaycan özünü taxılla təmin edə bilsin. Taxıl strateji məhsuldur, buna görə həmişə diqqət mərkəzində olmalıdır”.

pia.az

 


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Bakıda və üç rayonda qazın verilişində məhdudiyyət olacaq

Binə qəbiristanlığında çayxana tikilir? - Video

Bakıda 13 yaşlı oğlan internat məktəbindən qaçaraq atasını axtarır

Ən çox oxunanalar