Ukraynaya uzaqmənzilli raketlər 9 aya çatdırılacaq

PİA.az xəbər verir ki, bu barədə Bloomberg məlumat yayıb.

Qeyd edək ki, ABŞ-dan Ukraynaya yeni hərbi yardım paketinə daha uzaqmənzilli raketlərin daxil olacağı faktını Reuters daha əvvəl yazmışdı. Agentlik bildirib ki, söhbət “Boeing” şirkətinin istehsalı olan Yerüstü Başlatılan Kiçik Diametrli Bomba (GLSDB) raketlərindən gedir, onların uçuş məsafəsi 150 kilometrdir. Bu raketlər həmçinin Ukraynanın sərəncamında olan HIMARS qurğularından da stifadə oluna bilər.

ABŞ rəsmiləri Bloomberg-ə raketlərin yeni yardım paketinin bir hissəsi olacağını təsdiqləyiblər. Nəşrin məlumatına görə, yeni yardım paketi fevralın 3-də elan edilə bilər. ABŞ raketlərdən əlavə, Ukraynaya Claymore piyada əleyhinə minalar, Patriot sistemləri üçün avadanlıqlar və Mk 153 əl qumbaraatanları verəcək.

Bloomberg həmçinin yazır ki, Boeing-dən olan raketlər İsveçin “Saab AB” şirkəti ilə əməkdaşlıq çərçivəsində 2015-ci ildən bəri üç dəfə sınaqdan keçirilib. Onlar 130 km-dən çox uçur və hədəfi 102 santimetr sapma ilə vururlar. Bu, hazırda Ukrayna ordusunun sərəncamında olan HIMARS qurğuları üçün nəzərdə tutulan raketlərdən təxminən iki dəfə çoxdur.

Fevralın 2-də Ukraynanın müdafiə naziri Oleksiy Reznikov bildirib ki, Ukraynanın uzaqmənzilli raketlərə ehtiyacı var. O qeyd edib ki, Kiyev Qərb tərəfdaşlarına onlardan ölkə hüdudlarından kənarda hədəflərə qarşı istifadə olunmayacağına dair zəmanət verməyə hazırdır.

“Əgər 300 km məsafədən zərbə endirmək imkanımız olsaydı, Rusiya ordusu müdafiəni təmin edə bilməyəcək və məğlub olmaq məcburiyyətində qalacaq. Ukrayna silahlarınızın Rusiya ərazisinə hücumlarda iştirak etməyəcəyinə dair istənilən zəmanəti verməyə hazırdır. Ukraynanın müvəqqəti işğal olunmuş ərazisində kifayət qədər hədəflərimiz var və tərəfdaşlarımızla hədəfləri əlaqələndirməyə hazırıq”, deyə Reznikov bildirib

pia.az