Ukraynanın ucuz taxılı Avropanın probleminə çevrilib

PİA.az xarici mətbuata istinadən bildiri ki, bu barədə məlumat Avropa Şurasının saytında yerləşdirilib.

Məlumatda görə, Avropa ölkələrinin fermerləri şikayətlənirlər ki, Ukraynadan kənd təsərrüfatı məhsullarının tədarükünün artması aqrar sektorda istehsalçılar üçün problemlər yaradır. Avropa fermerləri taxıllarını sata bilmədiklərini və anbarlarda yığılıb qaldığını bildiriblər. Qeyd edilir ki, Ukraynadan Avropaya taxıl idxalının məhdudlaşdırılması ilə bağlı Avropa Komissiyasına Polşa, Rumıniya, Bolqarıstan, Macarıstan, Çexiya və Slovakiya nümayəndələri müraciət ediblər.

Polşanın Kənd Təsərrüfatı və Kənd İnkişafı Naziri Henrik Kovalçik yuxarıda qeyd olunan ölkələrin bu məsələ ilə bağlı mövqeyini təmsil edərək, Ukrayna ilə qonşu olan ölkələrin anbarlarının taxılla dolu olduğundan Avropa Komissiyasını Qərbi Avropa və Afrikaya tranzitin optimallaşdırılmasına kömək etməyə çağırıb.

“Mən bu ölkələr adından Ukrayna ilə qonşu olan ölkələrin aqrarlarının üzləşdiyi problemləri, Qərbi Avropa ölkələrinə, Afrika ölkələrinə göndərilməsi nəzərdə tutulan taxılın marketinqi ilə bağlı problemləri təqdim etdim. Avropalı fermerlər taxıllarını sata bilmirlər və anbarlar taxılla doludur”, deyə Polşalı nazir bildirib.

Qeyde dək ki, Türkiyənin Kənd Təsərrüfatı Nazirliyinin rəhbəri Vahit Kiriş daha əvvəl bildirmişdi ki, taxıl müqaviləsi çərçivəsində ərzaq məhsullarının kiçik bir hissəsi Ukrayna limanlarından ən yoxsul ölkələrə çatdırılıb. Nazir qeyd edib ki, “taxıl dəhlizi”ndən ümumilikdə 17 milyon tona yaxın kənd təsərrüfatı məhsulları ixrac edilib və bunun yalnız 5,4 faizi ehtiyacı olan dövlətlərə göndərilib.

pia.az