Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Türkiyəli deputat Şeyxülislamın müdafiəsinə qalxdı

Qafqaz Müsəlmanları İdarəsinin sədri, Şeyxülislam Allahşükür Paşazadənin Qurban bayramı günü Təzəpir məscidində dindarlar qarşısında çıxışı zamanı Prezident Rəcəb Tayyib Ərdoğana, qardaş Türkiyəyə və qonşu İrana, onun dini rəhbərinə təşəkkür etməsi ətrafında qaldırılan kampaniya Türkiyədə də təəssüflə qarşılanıb.

Qeyd edək ki, sosial şəbəkədə QMİ sədrinin çıxışını təhrif etməklə guya Türkiyənin adının çəkmədiyini, dolayısı ilə qardaş ölkənin əleyhinə mövqe nümayiş etdirdiyi barədə əsassız ittihamlar yer aldı.

Azpost.info bildirir ki, Türkiyə Böyük Millət Məclisinin deputatı, parlamentin Türkiyə-Azərbaycan dostluq qrupunun rəhbəri Şamil Ayrım açıqlamasında QMİ sədrinə qarşı aparılan bu kampaniyaya etirazını bildirib.

Onun sözlərinə görə, 44 günlük Vətən müharibəsində Azərbaycan Türkiyənin həmrəyliyi və 3 min şəhid verərək 30 ildir işğal altında olan torpaqlarını azad etdi. 15 iyunda Türkiyə və Azərbaycan prezidentləri tərəfindən imzalanan Bəyannamə ilə Türkiyə – Azərbaycanın sarsılmaz dostluğu və qardaşlığı bir daha təsdiq olundu.

“Son zamanlar Qafqaz Müsəlmanları İdarəsinin sədri, Şeyxülislam Allahşükür Paşazadənin Təzəpir məscidində verdiyi açıqlamanın yanlış dəyərləndirildiyini görürəm. Bu dəyərləndirmələri Türkiyə və Azərbaycan qardaşlığına qarşı edilən bir dəyərləndirmə kimi qəbul edirəm”- deyə millət vəkili vurğulayıb.

Ş.Ayrımın sözlərinə görə, QMİ sədrini 25 ildir tanıyırlar: “Şeyxülislam Allahşükür Paşazadə tutduğu məqam baxımından həmişə dediklərinə diqqət edən, fərqində olan bir şəxsiyyətdir. Şeyx bir dini öndərdir. Türk dünyasında çəkisi olan, islam coğrafiyasında sevilən bir şəxsdir. Şeyxülislamın verdiyi açıqlama tam olaraq Azərbaycan prezidentinin köməkçisi Hikmət Hacıyevin sözləri ilə üst-üstə düşür”.

Millət vəkili qeyd edib ki, İran Azərbaycanın qonşusudur: “İranın gec də olsa Azərbaycana dəstək verməsi başda Türkiyə olmaqla türk dünyasını və Azərbaycanı sevindirib. Qafqazlarda dostluğun, qardaşlığın, rifahın və sabitliyin qalıcı olması, Azərbaycan, ErmənistanRusiya arasında imzalanmış 10 noyabr Bəyanatı baxımından önəmlidir”.

Ş.Ayrım bildirib ki, Allahşükür Paşazadənin prezident Ərdoğana olan səmimi duyğularını yaxından bilənlərdəndir: “Yanğınla mübarizə apardığımız bu günlərdə Azərbaycan Türkiyə əlaqələrini pozmağa heç kimin gücü çatmayacaq. Bunu unutmamalıyıq: Güclü Azərbaycan güclü Türkiyə, güclü Türkiyə güclü Azərbaycan deməkdir”.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Paşinyan: Əks halda həftənin sonunda müharibə olacaq...

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

“Qarabağ”ın baş məşqçisi cəzalandırılıb

Nömrəsini sərnişinə vermək istəyən sürücü cəzalandırıldı - Açıqlama

Ramazan ayının doqquzuncu gününün imsak, iftar və namaz vaxtları    

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Paytaxtda 600 manata səməni satılır? - Video    

Danışılmış oyunlarda iştirak edən 4 nəfərə ömürlük qadağa

Ən çox oxunanalar