Türkiyədə terrorçuların gənclər təşkilatına qarşı həyata keçirilən əməliyyatlarda saxlanılanlar var...
PİA.az Türkiyə mətbuatına istinadən xəbər verir ki, əməliyyat çərçivəsində 1 nəfər İstanbulda, 11 nəfər isə Tekirdağda tutulub.
Separatçı terror təşkilatı PKK-KCK-nın sistematik Türkiyə təşkilatlanma hərəkatı çərçivəsində “terror təşkilatı üzvlərinin şəhər fəaliyyətləri”, “təşkilata şəhərdən kadr tədarükü” və “şəhər etirazlarının təşkili” işlərini həyata keçirən “Komalen Ciwan” terror gənclik təşkilatının üzvləri saxlanılıb. Həmçinin qeyd edilir ki, hazırda şəxsiyyəti müəyyən edilən 2 şəxsin tutulması istiqamətində də işlər davam etdirilir.
İHA-dan verilən xəbərə görə, Tekirdağ Respublika Prokurorluğu tərəfindən həyata keçirilən əməliyyat çərçivəsində terror təşkilatının hərəkət planlarında, qondarma Birləşmiş Müstəqil Kürdüstanı qurmaq və Kürdüstan məqsədinə çatmaq üçün PKK-KCK terror təşkilatının tərkibində yaradılmış qondarma inqilabi gənclik hərəkatı (DGH), Çerkezköy, Çorlu, Kapaklı və Ergene başda olmaqla, mahal və məhəllələrdəki Tekirdağ təşkilatlanması çərçivəsində ümumilikdə Çerkezköydə 7, Çorluda 5, İstanbulda 1 nəfər olmaqla, ümumilikdə 13 nəfərdən 11-i nəzarətə alınıb. Eyni vaxtda keçirilən əməliyyatla evlərində saxlanılan şəxslərdən 3-ü Kızılpınarda, 3-ü Karaağaçda və biri Çerkezköydə saxlanılaraq Tekirdağ Vilayət Təhlükəsizlik Müdirliyinin Terrorla Mübarizə Şöbəsinə gətirilib. Nəzarətə alınan şübhəlilərin evlərində aparılan axtarışlar zamanı çoxlu sayda rəqəmsal və təşkilati sənəd ələ keçirilib.
11 şübhəlinin sorğusu davam edir
Tekirdağ Respublika Prokurorluğu tərəfindən separatçı terror təşkilatının fəaliyyətlərinin qarşısının alınması məqsədilə aparılan istintaq çərçivəsində, “dağlarda qan itirən” separatçı terror təşkilatı PKK-nın fəaliyyətini şəhərə yönəltmək, şəhərlərdəki gəncləri terror təşkilatına cəlb etmək üçün şəhər mərkəzlərində şiddətli hərəkatlar təşkil etmək, cəmiyyəti aldadaraq dövlətə və dövlət məmurlarına qarşı terror aktları planlaşdırmaq və kəndlərə terrorçu göndərmək kimi ittihamlarla saxlanılan 11 şübhəlinin dindirilməsi davam edir.
pia.az