Tramp Ukraynaya tank verilməsini tənqid edib

PİA.az xarici mətbuata istinadən xəbər verir ki, ABŞ-ın keçmiş prezidenti Donald Tramp Qərb ölkələrinin Ukraynaya tank verilməsini tənqid edib. O, özünün “Truth Social” sosial şəbəkəsində bildirib ki, bu, zamanla Ukraynaya nüvə silahının verilməsinə qədər inkişaf edə bilər:

“Əvvəlcə tanklar, sonra nüvə bombaları olacaq. Bu çılğın müharibəni bitirin. Bunu etmək çox asandır!”, deyə keçmiş prezident yazıb.

Buna baxmayaraq, Tramp Ukraynada müharibəni asanlıqla və tez bitirmək üçün konkret olaraq nə etmək lazım olduğunu açıqlamayıb.

Qeyd edək ki, Putinə rəğbəti ilə məşhur olan Donald Tramp Ukraynaya müdaxilədən bir qədər əvvəl Kreml LDNR-i müstəqil dövlətlər kimi tanıyırkən Putini ictimaiyyət qarşısında tərifləyib.

Aprel ayında müharibənin artıq qızışdığı bir vaxtda Tramp Rusiyanın təcavüzünü Ukrayna xalqının soyqırımı adlandırmışdı.

Avqust ayında Tramp Ukraynanın Krımdan və NATO kursundan əl çəkəcəyi təqdirdə Rusiya ilə sülh müqaviləsi bağlaya biləcəyi fikrini bildirmişdi.

pia.az