Bazar ertəsi, 27 Sentyabr 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Tokio olimpiadasının məşəli alovlandırıldı - Yenilənib, Video

Yaponiyanın paytaxtı Tokioda təşkil olunan XXXII Yay Olimpiya Oyunlarının məşəli alovlandırılıb.

"Report"un məlumatına görə, məşəli ölkənin tanınmış tennisçisi Naomi Osaka yandırıb.

Bununla da olimpiadanın açılış mərasimi başa çatıb.

***

Tokio-2020 Yay Olimpiya Oyunlarının açılış mərasimi keçirilir.

"Report"un məlumatına görə, Yaponiya Milli Stadionunda baş tutan tədbirdə 950 rəsmi şəxs iştirak edir.

Açılışda əvvəlcə müxtəlif kompazisiyalar icra edilib və atəşfəşanlıq olub. Daha sonra Yaponiya bayrağı arenaya gətirilib və dövlət himni səsləndirilib.

"İrəliyə hərəkət" adlanan açılış mərasimində koronavirus pandemiyası qurbanlarının xatirəsi 1 dəqiqəlik sükutla yad olunub, həmçinin 2011-ci ildə Yaponiya tarixindəki ən dağıdıcı zəlzələdən sonra ölkənin yenidən bərpasını əks etdirən kompazisiya göstərilib.

Mərasim iştirakçıları meydanın mərkəzində ağacdan Olimpiya halqaları düzəldiblər və bütün bunlar fişənglərlə müşayiət olunub.

Daha sonra iştirakçı ölkələrin nümayəndə heyətinin paradı baş tutub. Parad iştirakçıları tibbi maskalardan istifadə ediblər. Argentinanın nümayəndə heyəti paraddan keçərkən "Tullanmayan argentinalı deyil" şüarı səsləndiriblər. Tokio-2020-nin Təşkilat Komitəsi isə bununla bağlı rəsmi tvitter səhifəsində "Sakit ol, Argentina! Təbii ki, bu, zarafatdır, biz də sizin kimi həyəcanlıyıq" paylaşımı edib.

Ardınca 2 idmançı, 2 məşqçi və 2 hakimin iştirakı ilə andiçmə mərasimi gerçəkləşib.

Beynəlxalq Olimpiya Komitəsinin (IOC) prezidenti Tomas Baxın çıxışından sonra Yaponiya imperatoru Naruxito Oyunları açıq elan edib. Daha sonra isə Olimpiya himni səsləndirilib.

***

Tokio-2020 Yay Olimpiya Oyunlarının açılış mərasimi başlayıb.

"Report"un məlumatına görə, Yaponiya Milli Stadionunda Bakı vaxtı ilə saat 15:00-da start götürən tədbir koronavirus pandemiyası səbəbindən azarkeşsiz keçirilir. Açılış mərasimini yalnız Beynəlxalq Olimpiya Komitəsinin və Milli olimpiya komitələrinin 1 000-dək rəsmi şəxsi tribunadan canlı izləyir.

Açılışda Azərbaycandan 27 nəfərlik heyət iştirak edir. Onların arasında idmançılarla yanaşı, yığmanın şef de-missionu Fərid Mansurov da var.

Azərbaycan nümayəndə heyəti açılış mərasimindəki paradda 5-ci keçəcək. Dövlət bayrağını isə cüdoçu Rüstəm Orucov və taekvondoçu Fəridə Əzizova daşıyacaq.

Qeyd edək ki, avqustun 7-dək davam edəcək Tokio olimpiadasında Azərbaycanın 44 idmançısı qüvvəsini sınayacaq.

***

Bu gün Yaponiyanın paytaxtı Tokioda Yay Olimpiya Oyunlarının açılış mərasimi keçiriləcək.

"Report"un məlumatına görə, tədbir Bakı vaxtı ilə saat 15:00-da başlayacaq. Koronavirus pandemiyası səbəbindən ötən il təxirə salınmış Oyunlar sayca XXXII olacaq.

Oyunlarda 206 ölkədən ümumilikdə 11 000-dən çox idmançı qüvvəsini sınayacaq. "Discover Tomorrow" ("Sabahı kəşf et") şüarı ilə təşkil olunacaq olimpiadanın açılışı Yaponiya Milli Stadionunda baş tutacaq.

Mövcud vəziyyətlə əlaqədar ilk dəfə azarkeşsiz keçiriləcək Oyunlarda hər bir idman növü üzrə yarışlar zamanı əvvəlki olimpiadaların səsli müşayiətindən istifadə olunacaq. Yarışlar 41 fərqli idman obyektində gerçəkləşəcək.

İdman dırmanması, karate, skeytbord və sörfinq ilk dəfə olimpiadanın proqramında yer alıb. Bundan başqa, softbol 2008-ci il Pekin olimpiadasından sonra yenidən Oyunlara daxil edilib. Yeri gəlmişkən, yarış iyulun 21-də softbol üzrə qadınlardan ibarət Yaponiya və Avstraliya yığmaları arasında oyunla start götürüb.

Tokio-2020-nin maskotunu məktəbli uşaqlar seçiblər. Seçim prosesi 16 769 məktəb və 205 755 sinfin iştirakı ilə keçirilib. Maskotun adı "Miraitowa", yəni "Gələcək və sonsuzluq"dur. Bu ad insanların qəlbində gələcəyə sonsuz ümidi ifadə edir.

Olimpiadada 36 idman növü üzrə ümumilikdə 339 qızıl medal sahibini tapacaq. Diametri 60 millimetr, qalınlığı isə 3 millimetr olan medallar təkrar istehsal əsasında hazırlanıb. Onun bir üzündə italiyalı rəssam Qassolinin çəkdiyi "Zəfər tanrı"sı, digər tərəfində isə təşkilatçı ölkənin emblemi həkk olunub.

Oyunlarda ilk dəfə kişi və qadın olmaqla, iki bayraqdar olacaq. Azərbaycan yığmasında bu funksiyanı cüdoçu Rüstəm Orucov və taekvondoçu Fəridə Əzizova yerinə yetirəcək.

Tokio olimpiadasında Azərbaycanı ümumilikdə 44 idmançı təmsil edəcək. Lisenziyaların 9-u cüdo, 7-si güləş, 5-i bədii gimnastikanın qrup hərəkətləri üzrə komanda, 1-i fərdi çövnövçülük, 5-i boks, 3-ü karate, 2-si atletika, 2-si üzgüçülük, 2-si taekvondo, 2-si idman gimnastikası, 1-i güllə atıcılığı, 1-i şosse velosipedi, 1-i qılıncoynatma, 1-i badminton, 1-i triatlon, 1-i stend atıcılığı (vayld-kart) növlərində qazanılıb:

1. Anna Skidan (Atletika - çəkicatma)
2. Maksim Şemberev (Üzgüçülük - 400 m qarışıq)
3. Mariya Stadnik (Qadın güləşi - 50 kq)
4. Şərif Şərifov (Sərbəst güləş - 97 kq)
5. Zöhrə Ağamirova (Bədii gimnastika - çoxnövçülük)
6. Yelizaveta Luzan (Bədii gimnastika - qrup çoxnövçülük)
7. Darya Sorokina (Bədii gimnastika - qrup çoxnövçülük)
8. Məryam Səfərova (Bədii gimnastika - qrup çoxnövçülük)
9. Ləman Əlimuradova (Bədii gimnastika - qrup çoxnövçülük)
10. Zeynab Hummatova (Bədii gimnastika - qrup çoxnövçülük)
11. Marina Nekrasova (İdman gimnastikası - qadınlar çoxnövçülük)
12. İvan Tixonov (İdman gimnastikası - kişilər çoxnövçülük)
13. Ruslan Lunyov (Güllə atıcılığı - 25 m məsafəyə kiçikçaplı tapançadan atəş açma)
14. Elçin Əsədov (Velosiped idmanı - şosse)
15. Milad Beigi Hərçəqani (Taekvondo - 80 kq)
16. Nazim Babayev (Atletika - üç təkanla tullanma)
17. Tayfur Əliyev (Boks - 57 kq)
18. Hacı Əliyev (Sərbəst güləş - 65 kq)
19. Hacımurad Hacıyev (Sərbəst güləş - 74 kq)
20. İslam Abbasov (Yunan-Roma güləşi - 87 kq)
21. Anna Başta (Qılıncoynatma - sablya)
22. Elis Manolova (Qadın güləşi - 68 kq)
23. Rafiq Hüseynov (Yunan-Roma güləşi - 77 kq)
24. Fəridə Əzizova (Taekvondo - 67 kq)
25. Rafael Ağayev (Karate - 75 kq)
26. İrina Zaretska (Karate - +61 kq)
27. Edi Reski Dviçayo (Badminton)
28. Kəramət Hüseynov (Cüdo - 60 kq)
29. Orxan Səfərov (Cüdo - 66 kq)
30. Rüstəm Orucov (Cüdo - 73 kq)
31. Murad Fətiyev (Cüdo - 81 kq)
32. Məmmədəli Mehdiyev (Cüdo - 90 kq)
33. Zelim Kotsoyev (Cüdo - 100 kq)
34. Uşangi Kokauri (Cüdo - +100 kq)
35. Aişə Qurbanlı (Cüdo - 48 kq)
36. İrina Kindzerska (Cüdo - +78 kq)
37. Rostislav Pevtsov (Triatlon)
38. Cavid Çələbiyev (Boks - 63 kq)
39. Lorenso Sotomayor (Boks - 69 kq)
40. Alfonso Dominges (Boks - 81 kq)
41. Məhəmməd Abdullayev (Boks - +91 kq)
42. Firdovsi Farzaliyev (Karate - 67 kq)
43. Emin Cəfərov (Stend atıcılığı) - vayld kart
44. Məryəm Şeyxəlizadə Xanqan (Üzgüçülük) - universal vəsiqə.

Yarışda Azərbaycan təmsilçiləri arasında ən tez (24 iyul) boksçular, cüdoçular, şosse velosipedi, idman gimnastikası, badminton və üzgüçülük növü üzrə idmançılar mübarizəyə başlayacaqlar.

Qeyd edək ki, Tokio olimpiadasına avqustun 8-də yekun vurulacaq.

pia.az


Etiket:


Digərxəbərlər

Populyar xəbərlər

Səddam Hüseynin qəddar oğlu - Məğlub idmançıların ailələrinə belə işgəncə verən Uday Hüseynin şok əməlləri

Rusiya MN-nin Dağlıq Qarabağla bağlı yeni xəritəsi nədən xəbər verir?

"Göbəklitəpədə 10 min il yerin altında qalan “gizli xəzinə” üzə çıxarılıb" - Fotolar

İlham Əliyev: “İran Azərbaycanın ərazi bütövlüyünə qarşı hörmətsizliyə son qoymalıdır”

Putin Rusiyanın əsas düşmənlərini açıqlayıb

Tanınmış professor 55 yaşında dünyasını dəyişib

"Bizim belimizi bu əməliyyat qırdı..." - Ermənilərdən yeni etiraflar

Erməni xalqı yasda: Paşinyanın oğlu festivalda çaxır içir - Foto

İlham Əliyev və Mehriban Əliyevanın şəkillərini tutduğu şəhidlər kimdir? - Foto

İran bu tarixdə Azərbaycanla quru sərhədlərini açır

Ən çox oxunanalar