Məşhur aktyor və siyasətçi Arnold Şvartsenegger Los-Ancelesdə qəza törədib. Belə ki, o avtomobil idarə edərkən təsadüfən velosiped sürən qadını vurub...
PİA.az xarici mətbuata əsasən xəbər verir ki, bu barədə Amerikanın TMZ nəşri məlumat yayıb. Nəşr xəbər verir ki, qəza bazar günü, yanvarın 5-də səhər saatlarında baş verib.
Şvartsenegger öz avtomobilini idarə edirmiş və velosiped sürən qadın onun zolağına çıxaraq avtomobillə toqquşub. Qadın yüngül xəsarətlə xəstəxanaya yerləşdirilib. Şvartsenegger hadisə yerində qalıb və polisə izahat verib.
Hüquq-mühafizə orqanlarının əməkdaşları nəşrə bildiriblər ki, Şvartsenegger bu qəzada təqsirsiz sayılacaq. Çünki o, toqquşmadan qaça bilməzdi. Mənbələr aktyorun avtomobili aşağı sürətlə idarə etdiyini də qeyd edib.
Bildirir ki Şvartsenegger zərər çəkmişin velosipedini götürüb, maşınına qoyub və təmirə aparıb.
pia.az