Soyuq havada telefonunuz sönür?

Havaların soyuq olması telefonun enerjisinə təsir edir.

PİA.az-ın məlumatına görə, soyuq havalarda telefonların şarjı tez bitir. Hətta uyğun olmayan vaxtda sönürlər.

Bəs, bununla bağlı nə edə bilərik?

Soyuq havada smartfonunuzu çantada daşımayın. Onları paltarınızın ciblərində saxlamaq daha yaxşıdır. Bu zaman bədən temperaturunuz onu isidəcək.

Soyuqda telefonla uzun müddət danışmamağa çalışın. Zəngi bitirdikdən sonra onu dərhal cibinizə qoyun.

Evdən çıxmazdan əvvəl mütləq smartfonun enerjisini tam doldurun. Şaxtalı havadan evə gələndə isə onu dərhal şarja qoymayın. Bir müddət gözləyin ki, telefon otaq temperaturuna qədər isinsin.(Lent.az)

pia.az