Cümə axşamı, 20 Yanvar 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Soçi görüşündən sonra Brüssel görüşünün əhəmiyyəti qalıb?

Danışıqların Moskva ilə paralel olaraq Brüsseldə də aparılması Azərbaycan və Ermənistanın fərqli maraqlarına nə qədər sərf edir?..

Politoloq: “Əlbəttə ki, Brüsseldə konkret nəticə əldə olunmayacaq”.

“Brüsseldə xüsusi sənədin imzalanması gözlənilmir. Amma hansısa dövrü bəyanat verilə bilər. Çünki Rusiyada bəyanat verilib. Avropa İttifaqı da Rusiyadan geri qalmaq istəməyəcək”.

Bu sözləri politoloq Elxan Şahinoğlu dekabrın 15-də Brüsseldə gözlənilən AzərbaycanErmənistan liderlərinin görüşünün nəticələrini PİA.az-a şərh edərkən qeyd edib.

Xəbər verdiyimiz kimi dekabrın 15-də Azərbaycan Prezidenti İlham ƏliyevErmənistanın baş naziri Nikol Paşinyan Brüsseldə görüşəcək. Bu, müharibədən sonra Əliyevlə Paşinyan arasında Qərb tərəfindən təşkil edilən ilk görüş olacaq.

Bildirilir ki, İlham Əliyev və Nikol Paşinyan sərhəddə insidentlərin qarşısını almaq üçün müdafiə nazirləri səviyyəsində birbaşa rabitə xəttinin yaradılması barədə razılığa gələcəklər.

Üçtərəfli Soçi görüşündən sonra Brüsseldə gözlənilən Azərbaycan-Ermənista­­n görüşünün hansısa əhəmiyyəti qalıbmı? Əliyev və Paşinyanın bu görüşdə yeni nədəsə razılaşması ehtimalı varmı və danışıqların Moskva ilə paralel olaraq Brüsseldə də aparılması AzərbaycanErmənistanın fərqli maraqlarına nə qədər sərf edir?

Mövzunu PİA.az-ın əməkdaşı Atlas Araşdırmalar Mərkəzinin rəhbəri Elxan Şahinoğlu ilə müzakirə edib.

Elxan Şahinoğlu: “Brüsseldə daha çox humanitar mövzular gündəmdə olacaq. Əsas olaraq həqiqəti əks etdirən mina xəritələrinin Azərbaycana təhvil verilməsi və Azərbaycanın da erməni əsirlərinin qaytarmasıdır”.

Hər halda fikir mübadiləsinin hər iki tərəf üçün xeyirli və faydalı olduğunu düşünən politoloq PİA.az-a bildirib ki, problemli məsələlər tam həll olunmasa belə, növbəti müharibədənsə, masa arxasında müxtəlif məsələlərin müzakirəsi daha faydalıdır:

“Hər halda fikir mübadiləsi hər iki tərəf üçün xeyirli və faydalıdır. Problemli məsələlər tam həll olunmasa belə, növbəti müharibədənsə, masa arxasında müxtəlif məsələlərin müzakirəsi daha faydalıdır. Əlbəttə ki, Brüsseldə konkret nəticə əldə olunmayacaq.

Soçi görüşündə açıqlama verildi ki, əsas məsələ Zəngəzur dəhlizinin açılması və sərhədlərin müəyyənləşməsi ilə bağlı danışıqların başlanmasıdır. Həmçinin komissiyasının yaradılması da əsas məsələlərdəndir. Bu istiqamətdə addımlar atılmalıdır.

Elxan Şahinoğlu: “Ermənilərin əsir dedikləri hərbiçilər diversant kimi Azərbaycan ərazilərinə daxil olub. Buna görə də Azərbaycan onların hamısını təhvil verə bilməz”.

Hesab edirəm ki, Brüsseldə daha çox humanitar mövzular gündəmdə olacaq. Əsas olaraq həqiqəti əks etdirən mina xəritələrinin Azərbaycana təhvil verilməsi və Azərbaycanın da erməni əsirlərinin qaytarmasıdır. Bildiyimiz kimi ermənilərin əsir dedikləri hərbiçilər diversant kimi Azərbaycan ərazilərinə daxil olub. Buna görə də Azərbaycan onların hamısını təhvil verə bilməz.

Sadəcə olaraq həqiqəti əks etdirən mina xəritələrini bizə versələr, əsirlərin müəyyən qisminin təhvil vermək olar. Məsələ burasındadır ki, Ermənistanın bu vaxta qədər verdikləri xəritələrin 25 faizi düz çıxıb. Bu baxımdan Brüsseldə xüsusi sənədin imzalanması gözlənilmir. Amma hansısa dövrü bəyanat verilə bilər. Çünki Rusiyada bəyanat verilib. Avropa İttifaqı da Rusiyadan geri qalmaq istəməyəcək”.

Nərminə UMUDLU
pia.az


Etiket:


Digərxəbərlər

Populyar xəbərlər

Hacı Zeynalabdin Tağıyevin abidəsini zədələyən şəxslər saxlanılıb, heykəl bərpa olunub - Yenilənib, Foto

Deputatdan Mehdiyevə zəhər kimi sözlər: "BDU rəhbərliyi onun arvadına və qızına rezidensiya yaradıb"

Putinin Nazarbayevə çılğın qəzəbi nədən doğub?..

İradə Gülməmmədova icra başçısı vəzifəsindən azad edilib

Elmar Vəliyevə qarşı sui-qəsddə ittiham edilən şəxs bəraət aldı

Abdin Fərzəliyev Abşerona icra başçısı təyin edildi - Sərəncam

“Macdonalds”da aşbaz işləyən kasıb gənc cəmi 5 ilə 100 milyard dolları necə topladı...

Sabiq millət vəkilinə cinayət işi açıldı - Baş Prokurorluqdan açıqlama

Vüsalə Əlizadənin verilişinin yayımı dayandırıldı

Ən çox oxunanalar