Şənbə, 27 Noyabr 2021
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Şirkətlər "Mehdiyevin bankın"ndan uzaqlaşır – "Bank BTB"-nin əməliyyat mənfəəti 22 dəfə azalıb

Səhmlərinin 75 faizi AMEA prezidenti Ramiz Mehdiyevin gəlini Nigar Mehdiyevaya məxsus olan “Bank BTB”-nin maliyyə hesabatlarından belə məlum olur ki, bank heç də ən yaxşı günlərini yaşamır.

“AzPolitika.info” bankın 2021-ci ilin 3-cü rübünün maliyyə nəticələrinə istinadla xəbər verir ki, “Bank BTB”-nin faiz və qeyri-faiz gəlirləri, əməliyyat mənfəəti və tələbli depozitləri xeyli azalıb. Əvəzində, bankın ümumi öhdəlikləri təqribən 6 milyon manat artaraq 308 milyon manata çatıb.

9 ayın nəticələri göstərir ki, məsələn, “Bank BTB” ötən ilin eyni dövründə maliyyə institutlarına, yəni digər banklara verilən kreditlərdən təqribən 2,4 milyon manat gəlir əldə etmişdi. Amma bu il həmin gəlirlər kəskin azalıb. Bankın faiz xərcləri isə bu müddətdə 1,12 milyon manat və ya 11% artaraq 11,5 milyon manat olub. Artımın səbəbi bankdakı əmanətlərə görə müştərilərə ödənilən faizlərin artmasıdır. Bu ilin ilk 9 ayında “Bank BTB” əmanət müştərilərinə 8,5 milyon manat faiz ödəyib ki, bu da ötən ilin eyni dövründən 2 milyon manat artıqdır. Nəticədə, 9 ayın yekununda bankın xalis faiz gəliri 2 milyon manatdan çox azalaraq 7,37 milyon manat olub.

3-cü rübün nəticələrinə görə, bankın qeyri-faiz gəlirləri 3,5 milyon manat təşkil edib. Bunun 800 min manatı hesablara xidmət üzrə xidmət haqlarıdır, gəlirlərin qalan hissəsini digər gəlirlər təşkil edib. Ötən illə müqayisədə xidmət haqlarıyla bağlı gəlirlər təqribən 2 dəfə aşağı düşüb.

Nəticədə, 2021-ci ilin 3-cü rübünün yekununda “Bank BTB”-nin əməliyyat mənfəəti cəmi 62 min manat olub ki, bu da ötən ilin eyni dövrü ilə müqayisədə 22 dəfədən də çox azdır. Belə ki, ötən il bankın əməliyyat mənfəəti 1,4 milyon manat olmuşdu.

Ən əsası isə, bankın tələbli depozitləri, yəni şirkətlərin bankdakı pulları kəskin şəkildə azalaraq, 42 milyon manatdan 16 milyon manata enib. Bu da iri müştərilərin banka nə dərəcədə etibar etmələrinin göstəricisi sayıla bilər...

Qeyd edək ki, “Bank BTB”-nin 2021-ci ilin 1-ci rübünə aid maliyyə göstəriciləri də ürəkaçan deyildi. Belə ki, bankın rəsmi hesabatına görə, onun xalis mənfəəti ötən ilin müvafiq dövrü ilə müqayisədə iki dəfə azalmışdı. Ümumilikdə isə bank 2020-ci ili 9 milyon 130 min manat xalis zərərlə başa vurub və bununla da onun yığılmış zərəri 12 milyon manata çatıb. Hansı ki, bu bank sabiq administrasiya rəhbərinin vəzifədə olduğu dönəmdə ardıcıl olaraq, xalis mənfəət əldə edir və kapitalını artırırdı...

pia.az


Etiket:


Digərxəbərlər

Populyar xəbərlər

Çeçenistan Rusiya bayrağından imtina etdi... - Moskva ilə Qroznı arasında hansı anlaşılmazlıqlar var?

Rusiya Prezidenti, Azərbaycan Prezidenti və Ermənistanın baş naziri mətbuata bəyanatla çıxış ediblər - Yenilənib, Foto, Tam mətn

BƏƏ Türkiyəyə 10 milyard dollarlıq yatırım edir... - Abu-Dabini bu qədər dəyişdirən hansı səbəbdir?

Əməkdar artist xalq şairinin “şit diringi” iradına mansibət bildirdi

Generalın xanımını aldadan şəxslərin başqa cinayətləri də üzə çıxdı

Qərb İranı gücləndirməyə, Türkiyəni zəiflətməyə çalışır - Bəs Türkiyə iqtisadiyyatının sonu necə olacaq?..

Putinin Paşinyanla ikitərəfli görüşü başa çatıb - Yenilənib

Vətən müharibəsinin iki şəhidinin məzarı Yasamal rayonundakı Şəhidlər Xiyabanına köçürülüb

Vüqar Rəhimzadə: “Soçi görüşü Azərbaycanın gücünü, Ermənistanın isə reallıqla barışmalı olduğunu təsdiqlədi”

Türkiyədə bu gün koronavirusdan 201 nəfər ölüb

Ən çox oxunanalar

  • Bu gün
  • Bu həftə
  • Bu ay