Marqarita Simonyan hesab edir ki, beynəlxalq məhkəmədən qurtulmağın tək yolu Rusiyanın Ukrayna ilə müharibədə qalib gəlməsidir…
Putinin əsas təbliğat ruporlarından biri olan “RİA Novosti” və RT media şəbəkəsinin baş redaktorü Marqarita Simonyan artıq Rusiyanın Ukraynada törətdiklərinə görə Beynəlxalq Haaqa Məhkəməsində cavab verəcəyindən əmindir. Simonyana görə təkcə Rusiya siyasi və hərbi rəhbərliyi deyil, bütün rus xalqı hərbi cinayətlərə görə cavab verməli olacaq.
PİA.az Rusiya mətbuatına əsasən xəbər verir ki, Simonyan bu barədə sosial şəbəkədə bildirib. Simonyan hesab edir ki, beynəlxalq məhkəmədən qurtulmağın tək yolu Rusiyanın Ukrayna ilə müharibədə qalib gəlməsidir:
“Əgər biz bu müharibədə uduzmağı ağıl etsək, hətta Kremldə süpürgəçilik edənləri belə Haaqa gözləyir. Ona görə də Kiyevdə bir rayonun işıqsız qalıb-qalmamasının bizim üçün əhəmiyyəti yoxdur. Məğlub olarsaq, ölkəmiz üçün hansı fəlakətin yaşanacağını təsəvvür belə etmək mümkün deyil. Əgər biz Haaqadan qorxuruqsa, onda meşəyə belə girməməliydik”, deyə Simonyan vurğulayıb.
pia.az