Avropa Parlamentinin (AP) deputatları Şengen vizası müraciətlərinin rəqəmsallaşdırılması ilə bağlı layihəni qəbul ediblər…
PİA.az xarici mətbuata əsasən xəbər verir ki, AP-nin Vətəndaş Azadlıqları Komitəsinə təqdim edilən və 34 lehinə, 5 əleyhinə olmaqla qəbul olunan qanunda viza müraciətlərini rəqəmsallaşdırılması viza proseslərini sürətləndirmək və təhlükəsizliyi artırmaq məqsədi daşıyır.
Viza müraciətlərinin rəqəmsallaşdırılması üçün tələb olunan hüquqi proses çərçivəsində Avropa İttifaqı (Aİ) ölkələrinin nümayəndələrindən ibarət Aİ Şurası, Aİ Komissiyası və AP birgə danışıqlar yolu ilə son qərar verilməlidir.
Aİ qurumları razılaşarsa, vizalar artıq pasportlarda çap olunmayacaq, əksinə, rəqəmsal sistemə işlənəcək.
Bununla viza müraciəti xərclərinin və prosedurlarının azaldılması, müraciətlərin vahid platformada qəbulu, sistemin Aİ-nin sərhəd idarəetmə və verilənlər bazası sistemləri ilə inteqrasiyası, saxtakarlığın qarşısının alınması və rəqəmsal vizalar sayəsində təhlükəsizliyin artırılması nəzərdə tutulur.
Bundan əlavə, rəqəmsal viza müraciəti sistemində çoxdilli variantın olması, beləliklə, eyni IP ünvanından edilən müraciətlərin kollektiv şəkildə rədd edilməsinin qarşısının alınması da parlamentin qəbul etdiyi qanunda yer alır.
pia.az
Digərxəbərlər
Populyar xəbərlər
