Bazar, 20 İyun 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Şəhid ailələri və müharibə əlillərinə daha 50 mənzil təqdim olundu

Əmək və Əhalinin Sosial Müdafiəsi Nazirliyi tərəfindən bu gün Bakının Ramana qəsəbəsində daha 50 mənzil şəhid ailələri, Qarabağ müharibəsi və Çernobıl əlillərinə təqdim edilib.

Nazirlikdən verilən məlumata görə, tədbirdə Nazirliyin tabeliyindəki Sosial Xidmətlər Agentliyinin sədr müavini Zaur İbrahimov və Mina qurbanlarının Sosial-İqtisadi Problemlərinin həllinə Kömək İctimai Birliyinin sədri Məmmədhəsən Həsənov iştirak ediblər.

Müqəddəs Ramazan bayramı münasibətilə tədbir iştirakçılarını təbrik edən Z.İbrahimov Prezident İlham Əliyevin şəhid ailələri və müharibə əlillərinə xüsusi qayğısından bəhs edib.

Qeyd olunub ki, dövlət başçısının 25 yanvar 2021-ci il tarixli Sərəncamı ilə 2021-2025-ci illərdə şəhid ailələrinə və Qarabağ müharibəsi əlillərinə 11 min, o cümlədən 2021-ci ildə 3 minədək mənzil və fərdi ev veriləcək. Bu gün verilən 50 mənzil də daxil olmaqla 2021-ci ilin planı üzrə artıq 420 mənzil şəhid ailələri və Qarabağ müharibəsi əlillərinə, müharibə əlillərinə bərabər tutulan vətəndaşlara təqdim edilib. Ümumilikdə indiyədək bu kateqoriyalardan olanlara 9620 mənzil və fərdi ev verilib.

2021-ci ilin sonunadək ölkəmizin rayonlarında şəhid ailələri və müharibə əlilləri üçün 450 fərdi ev də tikilərək təqdim olunacaq.

M.Həsənov həssas əhali qruplarının sosial müdafiəsinin daim dövlətin diqqət mərkəzində olduğunu vurğulayıb. O bildirib ki, şəhid ailələri və müharibə əlillərinin mənzillə təminatı proqramının miqyasının ildən-ilə genişlənməsi də bunun bir təzahürüdür.

Mənzillərlə təmin olunan vətəndaşlar göstərilən yüksək diqqət və qayğıya,

bu bayram günündə mənzillə təmin olunduqlarına görə Prezident İlham Əliyevə dərin minnətdarlıqlarını ifadə ediblər.

Fotolar

pia.az


Etiket:


Digərxəbərlər

Populyar xəbərlər

Azərbaycandan ABŞ-a aparılan itlər quduz çıxdı, dövlətlərarası araşdırma başladı

Paşinyan növbəyə dayandı, səs verdi, heç nə deməyib getdi - Yenilənib

“Ermənilərin qatili” – Köçəryan üçün gözlənilməz zərbə

Əliyevlə Ərdoğanın dialoqu və... - İrəvan Bakını aldatdı, saxtadır

Ermənistanda seçki qarşıdurması: Paşinyan Koçaryana qarşı ordunu göndərir

Azərbaycanda son sutkada COVID-19-a yoluxma sayı açıqlandı

Səslərin sayılmasına başlanıldı: Paşinyan, ya Köçəryan?

İki dəfə nişanını qaytaran Talıb Tale səbəbini açıqladı - Video

Ən çox oxunanalar