Keçən həftə Kaliforniyanın San-Fransisko şəhərində təqdim edilən robotlara “öldürücü güc” verilməsi barədə qanun layihəsi təsdiqləndi...
PİA.az “Sputnik”ə istinadla xəbər verir ki, San-Fransisko Polis Departamentinin (SFPD) polis və mülki şəxslərin ölümlərinin qarşısını almaq və təhlükəli şübhəliləri zərərsizləşdirmək üçün robotlara “ölümcül güc” tətbiq etməyə icazə verən qanun layihəsi şəhərin nəzarət şöbəsi tərəfindən təsdiqlənib.
“Sputnik”in xəbərinə görə, robotlar bu səlahiyyətə sahib olsa da, robotlardan yalnız ekstremal hallarda istifadə ediləcək. Polis əməkdaşları təhlükəli vəziyyətlərdə robotlara nəzarət edəcək.
Şəhər rəsmiləri robotların insan nəzarətində olduğunu bildirsələr də, tək düymə ilə insanları öldürməyin mümkün olması tənqidlərə səbəb olub. Xüsusən də, qərarların qəbulunda insan amilinin olmaması “sürüşkən zəmin” kimi qiymətləndirilib.
SFPD hələ öldürücü qabiliyyətə malik robotların olmadığını söyləyib. Polis sözçüsü əlavə edib:
“Robotlar şiddətli, silahlı və ya təhlükəli obyektləri olan möhkəmləndirilmiş strukturlardan yan keçmək üçün potensial partlayıcılarla təchiz oluna bilər”.
pia.az
Digərxəbərlər
Populyar xəbərlər
