Rusiya yenidən Brüssel razılaşmasına müdaxilə edir... - Sabiq nazirdən şərh

Sabiq Xarici İşlər Naziri: “Biz görüşlərin coğrafiyasına çox böyük önəm verməməliyik. Danışıqlarda önəmli olan hansı xəritlərin əsas götürülməsidir”.

“Rusiya onsuz da proseslərdədir. Güman etməyin ki, Rusiya prosesdə fiziki olaraq yoxdursa, demək ümumiyyətlə yoxdur”.

Bu sözləri sabiq xarici işlər naziri Tofiq Zülfüqarov Brüsüll razılaşmasından sonra Rusiyanın yenidən prosesə müdaxiləsinin nəticələrini PİA.az-a şərh edərkən qeyd edib.

24 may tarixində əldə edilmiş razılaşmaların həyata keçirilməsi çərçivəsində Azərbaycanın Baş nazirinin müavini Şahin Mustafayev və Ermənistan Baş nazirinin müavini Mqer Qriqoryanın Ermənistan-Azərbaycan dövlətlərarası sərhədində sərhədin delimitasiyası üzrə Komissiya formatında ilk görüşü keçirilib. Bu, 44 günlük müharibədən sonra sərhədlərin demilitasiyası üzrə tərəflər arasında ilk belə ciddi görüş idi. Görüşdə tərəflər bir sıra məsələlər üzrə mühüm razılığa gəlməyi bacarıblar.

Bu gün isə Rusiya XİN-in yaydığı məlumata əsasən Ermənistan-Azərbaycan dövlətlərarası sərhədlərin delimitasiyası və demarkasiyası üçün tərəflərin ikinci görüşü Moskvada olacaq. Brüsseldə əldə olunan razılaşmaya görə görüşlər sərhəddə olmalıydı. Lakin indi görüşün Moskvaya köçürülməsi nədən xəbər verir? Rusiyanın yenidən prosesə müdaxiləsi hansı təsirlər doğura bilər və ümmiyyətlə rusların müdaxiləsi prossesin ləngidilməsinə yönələn fəaliyyət ola bilərmi?

Mövzunu PİA.az-ın əməkdaşı sabiq xarici işlər naziri Tofiq Zülfüqarov ilə müzakirə edib.

Tofiq Zülfüqarov: “Mən istisna etmirəm ki, sərhədin müxtəlif hissələrində müxtəlif illərin xəritələrindən istifadə edilsin”.

Hər bir danışıqlar barədə Ermənistanın Rusiyaya məruzə etdiyini vurğulayan sabiq nazir PİA.az-a bildirib ki, bu baxımdan biz illüziyalara qapılmamalıyıq və düşünməməliyik ki, Ermənistan Rusiyanın izni və xoşgörüsü olmadan hansısa prosesi aparmağa qadirdir:

“Belə bir xəbəri mən də eşitdim ki, AErmənistan-Azərbaycan dövlətlərarası sərhədlərin delimitasiyası və demarkasiyası üçünkomissyaların iclası Moskvadan sonra Brüsseldə keçiriləcək. Amma mən düşünürəm ki, Azərbaycan və Ermənistan nümayəndələrinin görüşü üçün ən ideal məkan Gürcüstan olardı.

Düşünürəm ki, biz görüşlərin coğrafiyasına çox böyük önəm verməməliyik. Danışıqlarda önəmli olan hansı xəritlərin əsas götürülməsidir. Çünki bu məsələdə müxtəlif təkliflər və müxtəlif baxışlar var. Mən istisna etmirəm ki, sərhədin müxtəlif hissələrində müxtəlif illərin xəritələrindən istifadə edilsin. Hər halda bəlkə də Azərbaycanın mövqeyi bu şəkildə formalaşacaq.

Tofiq Zülfüqarov: “Mən öz təcrübəmdən də deyə bilərəm ki, Ermənistanla təkbətək görüşlərdən sonra Yeravanın Rusiyaya ətraflı məlumat verməsi bəlli olurdu. Heç kəs ümid eləməsin ki, Ermənistan bu qaydanı dəyişəcək”.

Rusiya onsuz da bu proseslərin içindədir. Münaqişəni yaradan tərəf də Rusiyadır və ona görə də güman etməyin ki, Rusiya Brüssel görüşündə fiziki olaraq yoxdursa, demək ümumiyyətlə yoxdur. Hər bir danışıqlar barədə Ermənistan Rusiyaya ətraflı məruzə edir. Bu baxımdan biz illüziyalara qapılmamalıyıq. Görüş sərhəddə keçirildi, deyə orada Rusiyanın olmadığını da demək olmaz. Hesab edirəm ki, Ermənistanın baş nazirinin müavini sərhəddən Yerevana qayıdana qədər danışıqlar barədə ruslara ətraflı xəbər çatdırılmışdı. Burada heç bir gözlənilməz hadisə yoxdur.

Mən öz təcrübəmdən də deyə bilərəm ki, Ermənistanla təkbətək görüşlərdən sonra Yeravanın Rusiyaya ətraflı məlumat verməsi bəlli olurdu. Heç kəs ümid eləməsin ki, Ermənistan bu qaydanı dəyişəcək”.

Nərminə UMUDLU
pia.az