Qriqoryandan yeni müharibə anonsu – Ermənistan istəməsə “Laçın dəhlizi”nin marşurutu dəyişməyəcək?..

“Azərbaycanın “Laçın dəhlizi”nin başqa marşurutla əvəz olunması ilə bağlı tələbi qanunsuzdur”.

PİA.az xəbər verir ki, belə bir bəyanatla Ermənistan Təhlükəsizlik Şurasının katibi Armen Qriqoryan çıxış edib. “Armenpress” nəşrinə müsahibə verən Ermənistan Təhlükəsizlik Şurasının katibi bildirib ki, Üçtərəfli Bəyanatın 6-cı bəndində göstərilib ki, alternativ yolun tikintisinin planlaşdırılması 3 il müddətində tərəflər arasında razılaşdırılmalıdır:

“Ermənistan, Rusiya və Azərbaycan liderlərinin imzaladığı Üçtərəfli Bəyanatın 6-cı bəndində göstərilib ki, “Dağlıq Qarabağı” Ermənistanla birləşdirən dəhliz tərəflərin razılığı ilə (yəni RF, Ermənistan və Azərbaycan arasında) “Laçın dəhlizi” ilə yeni hərəkət marşurutinin tikinti planı yaxın 3 il müddətinə razılaşdırlacaq və bu dəhlizin müdafiəsi üçün Rusiya sükhməramlıları həmin dəhliz üzərində yerləşdiriləcəklər.  

Ötən müddət ərzində bu istiqamətdə bir çox işlər görülsə də, tikinti planının razılaşdırılması baş verməyib. Bütün halalrda Ermənistan hər hansı bir plana razılıq vermədiyinə görə, Azərbaycanın bu təlbinin də hüquqi əsası yoxdur”, deyə Ermənistan rəsmisi bildirib.

Ermənistan Təhlükəsizlik Şurasının katibinin fikrincə 10 noyabr bəyanatında yeni marşurutun ancaq planlaşdırılması nəzərdə tutulub:

“Bəli, Kornidzor-Tex (M12) avtomobil yolunun tikintisi başlayıb, lakin ona diqqət yetirmək lazımdır ki, Üçtərəfli Bəyanatda ancaq yeni marşurutun tikintisinin planladırılmasından söhbət gedir. Ortada isə heç bir razılaşdırılmış plan yoxdur. Ermənistan Respublikası üçtərəli formatda yeni marşurtun tikinti planın qrafikə uyğun qaydada razılaşdırılmasını və imzalanmasını təklif edib. 10 noyabrda imzalanan Üçtərəfli Bəyanatda da bu nəzərdə tutulub”.

Qeyd edək ki, Ermənistan Təhlükəsizlik Şurasının katibi bu bəyanatı ilə əslində “Laçın dəhlizi”nin yeni marşurutunun Yeravanın razılığı olmadan fəaliyyətə başlamayacağının anonsunu verir. Bu isə öz-özlüyündə tərəflər arasında müxtəlif istiqamətlərə yozulan və əsas maddələri yerinə yetirilməyən Üçtərəfli Bəyanatın artıq işə yaramadığından xəbər verir. Yəni üzərinə götürdüuyü öhdəlikləri yerinə yetirməyən Ermənistan faktiki olaraq Üçtərəfli Bəyanatı zibil qutusuna atır. Bu isə yeni müharibənin anonsu ola bilər...

pia.az