Rusiyanın Perm universitetinə silahlı basqın etmiş tələbə Timur Bekmansurovun ayağı kəsildi. Həkimlər onun sol ayağını amputasiya ediblər. Bu barədə life.ru xəbər verir.
Qeyd olunur ki, Bekmansurov hələ də hüşsuzdur. Onun vəziyyətinin çox ağır olduğuna baxmayaraq, həkimlər artıq onu reanimasiyadan palataya köçürüblər. Həkimlərin fikrincə, çox güman ki, Bekmansurovun çoxsaylı ağır yaralarına görə onun böyrəkləri də sıradan çıxıb.
Xatırladaq ki, sentyabrın 20-i tələbə Timur Bekmansurov Perm dövlət milli tədqiqat universitetinin korpuslarının birinin ərazisinə silahlı basqın edib. O, Ali məktəbin ərazisinə daxil olub və yolunun üstünə çıxan kər kəsi güllələyib. Rusiya Səhiyyə nazirliyinin yaydığı məlumata görə, basqın nəticəsində 6 nəfər öldürülüb, 20-dən çox adam xəsarət alıb. Bekmansurov özü onu yaxalayan zaman ağır yaralanıb, hazırda çox ağır vəziyyətdə xəstəxanadadır.(virtualaz.org)
pia.az