Bazar ertəsi, 04 İyul 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

“Patı” məsələsini qabardanda üstümüzə gəlirlər – Deputatdan məmurlara sərt ittihamlar

“Narkomaniya və narkotik vasitələrin yayılmasına qarşı cəmiyyətdə səfərbərlik elan etməliyik. “Patı”nın məktəblilər arasında yayılması təhlükəlidir”.

Bunu Bakupost.az -a açıqlamasında millət vəkili Fazil Mustafa deyib.

Millət vəkili son günlərdə Masazır məktəblərindən birində şagirdlərə “patı” verilməsi ilə bağlı iddiaların ciddi şəkildə araşdırılmalı olduğunu qeyd edib:

“Bu əməldə günahı olan şəxslər məsuliyyətə cəlb olunmalıdırlar. Narkotik xaricdən məqsədyönlü şəkildə Azərbaycan auditoriyasına yayılır. Qarşısını almaq üçün buna strateji təhlükəsizlik problemi kimi yanaşmalıyıq.

Məktəblər indi nəzarətdən kənar yerlərə çevrilib və məktəbə münasibətdə müsbət mənada heç bir dəyişiklik əldə olunmayıb. Amma uşaqların təhlükəsizliyini qorumaq baxımından müəyyən addımlar atmaq imkanlarımız var.

Azərbaycanda hansısa sahəyə təklif vermək, yaxud fikir söyləməyin bir mənası yoxdur. Çünki hər bir sahəyə bostan kimi baxılır. Yəni məni bura qoyublarsa, heç kimin fikri mənim üçün maraqlı deyil. Ona görə də biz bu istiqamətdə passiv rol almalı oluruq. Mədəniyyət, təhsil kimi sahələrə fikir bildirməyə maraqlı görünmürük.

Narkomaniya ilə mübarizədə də hansısa bir təklif irəli sürürük, onu dəyərləndirmək, müzakirə etmək əvəzinə, əksinə üzərimizə gəlinir ki, bu məsələni niyə qabardırıq. Sanki bu məsələləri biz qabartmasaq, ört-basdır olub gedəcək.

Narkomaniya ilə mübarizədə belə doğru yanaşma müşahidə etmirəm. Milli Məclisdə narkomaniya, mədəniyyət, təhsil və başqa problemlər qaldırılsa da, həmin qurumların rəhbərlərindən hansısa məsələni qaydaya salmaq istiqamətində təkliflər görməmişik. Bu da o deməkdir ki, problemlər heç kimin vecinə deyil. Hərə öz sahəsinə bostan kimi baxır”.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Pandemiyanın yeni dalğasının başladığı elan edildi

Səfər Mehdiyev: “Ehtiram da, digər həbs olunanlar da orda qalmayacaq” - Son iclasın gizlinləri...

Özbəkistan parlamenti Qaraqalpaqda fövqəladə vəziyyətin tətbiqi haqqında fərmanı təsdiqləyib

Zorakılıqla üzləşən qadın uşaqları ilə birgə SXA-nın müəssisəsinə yerləşdirilib - Yenilənib

Zelenski işğaldan azad olunan yaşayış məntəqələrinin sayını açıqlayıb

Xəzərdə qağayıların ölümünün səbəbi nədir?

Şoyqu Ukraynanın Luqansk vilayəti üzərində tam nəzarətin əldə olunduğunu elan edib

Rusiyalı tanınmış futbolçu karyerasını bitirir

Ukrayna Baş Qərargahı Rusiyanın itkilərinin sayını açıqlayıb

TDT-yə üzv ölkələrin beyin mərkəzlərinin Şuşaya səfəri başlayıb

Avropa çempionatı: Azərbaycanın basketbol millisi 3-cü yer uğrunda oyuna çıxacaq

Ən çox oxunanalar