Özbəkistan Putinin təklif etdiyi “qaz ittifaqı”ndan imtina edib

“Rusiya ilə qaz müqaviləsi imzalamaq müttəfiqlik demək deyil”.

PİA.az Reuters Agentliyinə istinadən xəbər verir ki, bunu Özbəkistanın energetika naziri Jorabay Mirzəmahmudov deyib.

Nazir qeyd edib ki, Moskva və Daşkənd Rusiya qazının Qazaxıstan vasitəsilə tədarükü ilə bağlı danışıqlar aparır. Siyasətçi vurğulayıb ki, “bu, texniki müqavilə olacaq”, deyə Reuters yazır.

Mirzəmahmudov izah edib ki, digər ölkələrdən qaz idxal edərkən Özbəkistan onlarla kommersiya müqavilələri əsasında əməkdaşlıq edir.

“Biz heç vaxt qaz müqabilində siyasi şərtlərlə razılaşmayacağıq”, deyə nazir vurğulayıb.

Qeyd edək ki, ölkələr arasında “üçlü qaz ittifaqı” yaratmaq təşəbbüsünü noyabrın 28-də Qazaxıstan prezidenti Kasım-Jomart Tokayev Rusiyanın baş naziri Mixail Mişustinlə görüşü zamanı açıqlayıb. Eyni zamanda, Qazaxıstan lideri bu təşəbbüsün Rusiya lideri Vladimir Putindən ogəldiyini bildirib.

pia.az