Danimarkanın baş naziri Zelenski ilə görüşdə Ukrayna üçün tankları müzakirə edib…
“Biz Ukraynaya artilleriya sistemləri verdik, amma tanklara da ehtiyacımız var”.
Danimarkanın baş naziri Matte Frederiksen Ukrayna prezidenti Vladimir Zelenski ilə görüşdən sonra yaxın gələcəkdə Ukraynaya tankların veriləcəyini istisna etmədiyini deyib.
PİA.az xəbər verir ki, bu barədə “Ukrinform” məlumat yayıb.
“Bu müharibə başlayandan bəri Danimarka deyir ki, Ukraynaya nə lazımdırsa, dəstək verəcək. Hesab edirəm ki, biz həqiqətən də Ukraynanın əsl dostu olduğumuzu bir çox əməllərimizlə sübut etdik. Əlbəttə, bu gün müzakirə etdiyimiz şey tanklardır. Ukraynaya artilleriya sistemlərini indicə vermişik, amma tanklar da lazımdır. Biz prezident Zelenski ilə Ukrayna üçün indi və gələcək üçün vacib olan müxtəlif mövzular, o cümlədən tanklar haqqında danışdıq”, deyə Danimarka hökumətinin başçısı bildirib.
Xatırladaq ki, Danimarkanın müdafiə naziri Yakob Elleman-Yensen bir müddət əvvəl ölkəsinin Ukrayna üçün tank koalisiyasına qoşulmağa hələ hazır olmadığını, lakin başqa yollarla kömək etdiyini bildirmişdi.
pia.az