Rusiya sanksiyalardan yan keçməyin bir çox yolunu tapıb. Xüsusilə, bu, məhdudiyyətlərin tətbiqini dəstəkləməyən ölkələrlə təmaslara aiddir...
PİA.az xəbər verir ki, bu barədə The Economist nəşrinin məlumatında bildirilir. Nəşr qeyd edir ki, Moskvanın sanksiyalardan yayınması “sənaye səviyyəsinə” alıb.
“Böyük Qərb şirkətləri bir anda Rusiya nefti ilə ticarət etməkdən və tədarükləri sığortalamaqdan imtina etdilər. Ancaq məlum oldu ki, Rusiyaya qarşı nə qədər çox tədbirlər tətbiq edilərsə, “boz sxemlər” bazarı bir o qədər genişlənir və bu sxemlər sanksiyalardan yan keçməyə imkan verir”, The Economist yazır.
Qəzet qeyd edir ki, bazar həmişə anti-Rusiya məhdudiyyətlərinin yeni paketinə tez reaksiya verir. Artıq Rusiya neftinin qiymət tavanının tətbiqindən iki ay keçib. Buna baxmayaraq ticarət həcmi isə 2022-ci ilin yayın səviyyəsinə qayıtıb:
“Deyə bilərsiniz ki, Rusiya nefti böyük endirimlərlə satmağa məcburdur, lakin istənilən halda ona tələbat var və dünya qiymətlərinin artması ilə Rusiya xammalının kotirovkaları da artır və bu da Moskvaya davamlı olaraq böyük həcmdə neft satmağa imkan verir”, deyə The Economist vurğulayır.
Nəşr qeyd edir ki, yeni daşıyıcılar və satıcılar Kremlə bütün mümkün qadağalardan yan keçməyə kömək etməkdən böyük məmnunluq duyurlar…
pia.az
Digərxəbərlər
Populyar xəbərlər
