Komplekslər Ukraynanın enerji obyektlərini Rusiyanın hücumlarından qoruyacaq…
Ukrayna İranın kamikadze dronları ilə mübarizə aparmaq üçün komplekslər alıb.
Rusiyanın kritik infrastruktura kütləvi zərbələr endirmək üçün istifadə etdiyi “Shahed” dronları artıq daha asan ovlnacaq.
PİA.az xəbər verir ki, bu barədə yanvarın 27-də Ukraynanın baş nazirinin müavini, rəqəmsal transformasiya naziri Mixail Fedorov Telegram kanalında məlumat verib.
“Bunlar ABŞ-ın strateji obyektlərini qoruyan müasir müdafiə texnologiyalarıdır... Fortem DroneHunter F700 radar nəzarəti və süni intellektə malik avtonom pilotsuz təyyarədir. O, 100 km/saatdan çox sürətlə uçur, düşmənin pilotsuz təyyarələrini tutur və yerə endirir”, deyə Fedorov bildirib.
Fedorov aydınlaşdırıb ki, bu komplekslər Ukraynanın enerji obyektlərini qoruyacaq. Baş nazirin müavini poliqondakı operatorların satın alınan komplekslərlə necə işləməsini göstərən video da yayımlayıb.
Qeyd edək ki, Rusiya 2022-ci ilin sentyabrından Ukraynada İran “Shahed”lərindən istifadə etməyə başlayıb. Bu PUA-lar çox primitivdir və döyüş meydanında əməliyyatlar aparmaq iqtidarında deyil. Bu, sadəcə dinc şəhərlərə hücum üçün terror silahıdır. Ukraynanın kritik infrastrukturuna zərbə vuran Moskva onlardan məhz belə istifadə edir.
pia.az