Yeni məhdudiyyətlər təsdiq olunarsa, o zaman Rusiyaya qarşı artıq tətbiq edilmiş sanksiyalar Belarusa da şamil olunacaq...
Avropa İttifaqı Rusiyanın Ukraynaya təcavüzündəki roluna görə Belarusa qarşı yeni sanksiyalar paketini müzakirə edir.
PİA.az xəbər verirki, bu barədə müvafiq sənədlərlə tanış olan “Bloomberg” məlumat yayıb.
Yeni məhdudiyyətlər təsdiq olunarsa, o zaman Rusiyaya qarşı artıq tətbiq edilmiş sanksiyalar Belarusa da şamil olunacaq.
Yeni sanksiyalara aşağıdakılar daxildir:
Hərbi məqsədlər üçün istifadə olunan və ölkənin sənaye potensialını artıra bilən ikili təyinatlı malların və texnologiyaların ixracına qadağa;
Neft, polad, qızıl və kömür ixracına sanksiyalar;
Dəbdəbəli mallar, investisiyalar və müəyyən xidmətlərin göstərilməsi üzrə ticarət məhdudiyyətləri;
Aviasiya və enerji sektorlarına qarşı məhdudiyyətlər.
Rusiyaya qarşı sanksiyalarda olduğu kimi, Minskə qarşı yeni Avropa məhdudiyyətləri dərman, kənd təsərrüfatı və ərzaq məhsulları ilə bağlı tsahələri də əhatə edir.
pia.az