ABŞ və müttəfiqləri yaya qədər Rusiyanın Ukraynadakı müharibəyə görə məsuliyyətə cəlb olunmasını təmin etməyi planlaşdırır..
ABŞ və müttəfiqləri Rusiyanın Ukraynaya hücum etməsinə görə məsuliyyətə cəlb edilməsi mexanizmi üzərində işləyirlər və bu plan üzərində iş 2023-cü ilin yayına qədər tamamlana bilər.
PİA.az xəbər verir ki, bunu ABŞ dövlət katibinin siyasi məsələlər üzrə müavini Viktoriya Nuland Senatın Xarici Əlaqələr Komitəsində keçirilən dinləmələrdə deyib.
“Biz G7 tərəfdaşlarımız və Ukrayna ilə bunun üzərində çox işləyirik”, deyə Nuland Benyamin Kardinin sualını cavablandırarkən deyib.
Dövlət katibinin müavini qeyd edib ki, belə bir mexanizmin formalaşdırılması üçün sübut bazası və müxtəlif modellər üzərində iş aparılır.
Nuland onu da əlavə edib ki, söhbət tribunala oxşar bir mexanizmdən gedir.
pia.az