ABŞ Maliyyə Nazirliyi Rusiyanın ixrac etdiyi neft məhsullarına məhdudiyyətlər tətbiq etməyə hazırlaşır…
PİA.az xəbər verir ki, bu barədə Bloomberg Agentliyi ABŞ-ın Maliyyə naziri Canet Yellenə istinadən məlumat yayıb. Yellen bildirib ki, Rusiya neftinin satışına qoyulan məhdudiyyətlər emal olunmuş məhsullara da şamil edilə bilər. Yeni sanksiyalar fevralda qəbul oluna bilər.
“Biz bu bazarları çox diqqətlə araşdırdıq və inanırıq ki, emal olumuş neft məhsullarına tətbiq edəcəyimiz sanksiya paketi məqsədlərə çatmağımıza imkan verəcək”, deyə Janet Yellen bildirib.
Qeyd edək ki, G7 ölkələrinin və Avropa İttifaqının Rusiya neftinə tətbiq etdikləri tavan qiymət Moskvaya ağır təsirlər etməyə başlayıb. Rusiya büdcəsində bununla bağlı 2023-cü ildə bir sıra problemlərin yaşanacağı istisna olunmur.
pia.az