Whatsapp sosial media platforması istifadəçiləri şəxsi məlumatların istifadəsinə icazə verməyə məcbur etdiyi üçün 5,5 milyon avro cərimələnib...
PİA.az Türkiyə mətbuatına istinadən xəbər verir ki, İrlandiyanın Məlumatların Mühafizəsi Komissiyası (DPC) ABŞ-da yerləşən texnologiya şirkəti Meta-ya məxsus sosial media platforması olan Whatsapp-ı Avropa İttifaqının (Aİ) məxfilik qaydalarını pozduğuna görə cərimələyib. Komissiya istifadəçilərin şəxsi məlumatlarından “xidmətin təkmilləşdirilməsi və təhlükəsizliyi” üçün istifadəyə icazə verməyə məcbur buraxdığı üçün Whatsapp proqramını 5,5 milyon avro cərimələyib. Komissiya, həmçinin, şirkətə Whatsapp işi ilə bağlı məlumatların işlənməsi prosesini 6 ay ərzində Aİ məxfilik qaydalarına uyğunlaşdırmağı tapşırıb.
pia.az