Bazar, 29 Yanvar 2023
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Kiyev buna gedəcəkmi? - Ukraynanın Moskvaya hücum etmək üçün silahı var…

Ukrayna hakimiyyəti başa düşür ki, Rusiya paytaxtına hücum bir çox mülki əhalinin həyatını təhlükə altına atacaq…

Ukraynadan yüz kilometrlərlə uzaqda Rusiya aerodromlarında partlayış səsləri eşidildikdə, bu, ən azı iki rus bombardmançısına zərər vurmaqla kifayətlənmədi. Bu, Ukraynanın indi Moskvaya zərbə endirmək üçün imkanlara malik olması ilə bağlı bir mesaj idi.

PİA.az xəbər verir ki, bu barədə Forbes yazır.

“Bu, heç də Ukraynanın Moskvaya zərbə endirəcəyi anlamına gəlmir. Lakin şəhərə zərbə endirmə ehtimalı Rusiya Federasiyasının paytaxtında bir neçə yuxusuz gecəyə səbəb olacaq”, deyə Avstraliya ordusunun istefada olan generalı Mik Rayan Ukraynanın Rusiyanın 600 kilometrliyində olan Engels aerdromuna zərbə endirməsini Forbes-ə şərh edərkən deyib.

Generalın sözlərinə görə, əslində Kiyevin Moskvaya hücum etməkdən çəkinməsinin öz səbəbləri var. Rusiya paytaxtına hücum Ukraynanın dərinliklərində aylarla davam edən zərbələr kampaniyasında böyük eskalasiya demək olardı.

Eyni zamanda general Rayan vurğulayıb ki, Rusiya paytaxtına hücum əslində ədalətli oyun olardı. Çünki Rusiya Ukraynaya qarşı genişmiqyaslı müharibəyə başlayandan bəri rus qoşunları Ukraynanın digər şəhərləri kimi Kiyevi də durmadan bombalayır.

Rayan qeyd edib ki, Moskvada kifayət qədər potensial strateji hədəflər var. Ukraynanın isə zərbə vurmaq üçün bir neçə yolu var. Ən sadə, lakin ən risklisi Rusiya Federasiyasının özündə təxribat törətməkdir.

Forbes yazır ki, ukraynalı diversantlar oktyabr ayında Rusiya Hərbi Hava Qüvvələrinə məxsus hücum helikopterini hərbi aerodromda partlatmaq üçün Rusiya ərazisinin 800 km uzaqlarına qədər yol gediblər.

Sabotajın alternativi pilotsuz təyyarələrin zərbəsidir. Forbes bildirir ki, 5 dekabr reydlər Ukraynaya məxsus Tu-141 kəşfiyyat reaktiv pilotsuz təyyarələri tərəfindən həyata keçirilib və bu pilotsuz təyyarə sonuncu dəfə 1970-1980-ci illərdə Sovet Hərbi Hava Qüvvələri üçün təlim uçuşları edib. Ukrayna Hərbi Hava Qüvvələri çox güman ki, dron kameralarını partlayıcı maddələrlə əvəz edib və onların inertial naviqasiya sistemlərini Dyaaqilevo və Engels aerdromlarında yerə atmaq üçün proqramlaşdırıb.

Ukrayna Hərbi Hava Qüvvələrində nə qədər Tu-141 və buna bənzər Tu-143-ün qaldığı məlum deyil. Lakin Kiyevin onları Moskvanı hədəfə ala bilməməsinin heç bir texniki səbəbi yoxdur. Çünki bu dronlar 1000 km-ə qədər məsafədə fəaliyyət göstərə bilir.

Çətin ki, Rusiyanın hava hücumundan müdafiəsi bu pilotsuz təyyarələri asanlıqla vursun. Ukraynanın təkrar reydləri həm Rusiyanın hava hücumundan müdafiə vasitələrinin qeyri-adekvatlığını, həm də ukraynalı planlaşdırıcıların bu müdafiəni aradan qaldırmağın yollarını tapmaq qabiliyyətini sübut etdi.

Nəşr yazır ki, ukraynalıların Moskvanı vurmamasının əsas səbəbi yaşayış məntəqələrinə reydlərin mülki əhalini təhlükə altına ala bilməsidir. Ancaq Ukrayna şəhərlərinə Rusiyanın basqınlarına gəlincə, onlar sakinləri öldürür, zədələyir, oğurlayır və qorxudurlar.

Rusiya müharibə səylərinə dəstəyi zəiflətmək üçün Ukrayna əhalisini terror etmək istəyir. Ancaq tarix dəfələrlə göstərib ki, şəhərlərə hücumlar mülki müqaviməti azaltmaqdansa, artırmağa meyllidir.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bakıda binanın mansardında tikilən əlavə balkon sökülür - Video, Yenilənib

Tehrandakı səfirliyimizdə terrorçunu zərərsizləşdirən Vasif əməliyyat olundu

Naxçıvan Şəhər Polis İdarəsinə yeni rəis təyin olunub

Zaur, Xoşqədəm və Elgiz həkimləri neçəyə reklam edir? – Fantastik qiymətlər

Azərbaycanın İrandakı səfirliyinə terror hücumunun xronologiyası - Görüntülər

Sabahdan rayonlara qar yağacaq, yollar buz bağlayacaq - Xəbərdarlıq

Səfirliyə terror hücumunda şəhid olan Orxan Əsgərovun yas mərasimi keçirilir

Amerikalı general ABŞ-Çin müharibəsinin tarixini proqnozlaşdırdı

“Məzarıma bir cüt ayaqqabı qoyun, ayağıyalın geyib getsin...”

Səhiyyə Nazirliyinin mütəxəssis-eksperti vəfat edib

Bakı İrandakı səfirliyimizin əməkdaşlarının təxliyəsi üçün təyyarə göndərir

Ən çox oxunanalar