Çavuşoğlu Suriya ilə dialoq aparılacağına işarə etdi

PİA.az Türkiyə mətbuatına istinadla xəbər verir ki, xarici işlər naziri Mövlud Çavuşoğlu 8-ci Aralıq dənizi Dialoq Forumunun “Xüsusi Dialoq” sessiyasında İsraillə əlaqələrdən tutmuş Ukrayna müharibəsi və Suriya ilə danışıqlara qədər açıqlamalar verib. Türkiyə ilə Suriya arasında kəşfiyyat səviyyəsində danışıqlar aparıldığını bildirən Çavuşoğlu konstruktiv dialoqun əhəmiyyətini vurğulayıb.

Nazir Çavuşoğlu İsraillə münasibətlərin normallaşmasına toxunaraq, İsrailin Türkiyənin Fələstinlə bağlı mövqeyinin dəyişməyəcəyinin fərqində olduğunu bildirib.

Ukrayna müharibəsi üçün səylər davam edəcək

Çavuşoğlu daha sonra Rusiya-Ukrayna müharibəsi üçün səylərin davam edəcəyini və yazda sülh danışıqları ilə bağlı daha aydın mənzərənin görünəcəyini vurğulayıb.

Çavuşoğlu Suriya rejimi ilə danışıqlarla əlaqədar suriyalı qaçqınların geri qayıtması üçün konstruktiv dialoqun əhəmiyyətli olduğunu da bildirib. Həmçinin, Çavuşoğlu Türkiyə ilə Suriya arasında kəşfiyyat səviyyəsində danışıqlar aparıldığını bildirib.

Qeyd edək ki, Çavuşoğlu ABŞ və Rusiyanın Suriyanın şimalını terrordan təmizləmək vədlərinə əməl etmədiyinə də diqqət çəkib.

pia.az