Makron Putinlə dialoqu davam etdirəcək

PİA.az TASS-a istinadən xəbər verir ki, Fransa prezidenti Emmanuel Makron Ukrayna böhranının həlli üçün Rusiya lideri Vladimir Putinlə dialoqu davam etdirmək niyyətində olduğunu bildirib. O, bu barədə Ağ Evdə ABŞ prezidenti Co baydenlə danışıqlardan sonra məlumat verib.

“Mən prezident Putinlə danışmağa davam edəcəyəm”, deyə Fransa lideri vurğularıb.

Makron əlavə edib ki, Fransa həmişə gərginliyin qarşısını almaq üçün konkret nəticələrə nail olmağa çalışıb və o, artıq bu barədə ABŞ prezidenti Co Baydenlə də danışıb.

Putinlə nə barədə danıcağı barədə sualı cavablandıran Makron, “məsələn, mən onunla Zaporojye AES-in təhlükəsizliyi barədə danışacağam”, deyib.

Qeyd edək ki, bu gün Ağ Evdə görüşən Makron və Bayden ABŞ və Fransanın Kiyevə lazım olan müddətdə lazımi yardımı göstərəcəkləri barədə razılığa gəliblər. Fransa və ABŞ Ukrayna üçün hava hücumundan müdafiə sistemlərinin və enerji sisteminin bərpası üçün zəruri olan avadanlıqların tədarükünü intensivləşdirmək niyyətindədirlər.

pia.az