Keçən əsrin birinci yarısında– 1932 – 1933 illərdə Ukraynada milyonlarla insanın həyatına son qoymuş, SSRİ rəhbərliyinin təşəbbüsü ilə etnik ukraynalıların şüurlu və məqsədyönlü şəkildə məhv edilməsinə yönəldilmiş kütləvi aclıq – Qolodomor hadisəsi baş vermişdir.
Hadisələrin SSRİ – nin sənayeləşdirilməsi, radikal iqtisadi islahatlar, quraqlıq və sairə səbəblər üzündən baş verdiyini ön plana çəkərək həqiqətləri dünya ictimaiyyətindən ciddi – cəhdlə gizlətməyə çalışan – istər SSRİ – nin o dövrkü hakimiyyəti, istərsə də onun varisi olan Rusiya Federasiyası mənsubları bunların məhz etnik təmizləmənin, daha dəqiq ifadə etsək bir xalqa qarşı törədilmiş insanlığa qarşı cinayət və genosid olduğundan diqqəti yayındırmağa çalışırlar.
Törədilmiş cinayət - Qolodomor – aclıq səbəbindən dünyasını dəyişmiş insanların təqribi sayı 2,5 – 3,5 milyon nəfərə yaxındır ki, bu da bütöv bir xalqın genofonduna vurulmuş zərbənin dəhşətli miqyasını özündə əks etdirir.
Ukrayna Ali Radasının elan etdiyi qərara görə Qolodomor, Ukrayna xalqına qarşı törədilmiş genosid aktıdır.
Azərbaycan Sosialist Partiyası olaraq biz, XX əsrin birinci yarısında baş vermiş hadisələri qeyri – insani hərəkətlərin, bir xalqın məhvinə qarşı yönəldilmiş hərəkətlər olduğunu bəyan edir və gələcəkdə belə halların dünyanın tərəqqipərvər qüvvələri tərəfindən qətiyyətlə alınacağna ümid edirik.
Torpaqlarını qorumaq uğrunda işğalçya qarşı fədakarlıqla döyüşən Ukrayna xalqının yanındayıq və ona apardığı mübarizədə uğurlar diləyirik.
Azərbaycan Sosialist Partiyasının sədri E.Həsənov
pia.az
Digərxəbərlər
Populyar xəbərlər
