Çərşənbə, 01 Fevral 2023
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

ABŞ-da abort inflyasiyanı məğlub etdi...

ABŞ-da keçirilən aralıq seçkilər, çox güman ki, Ukraynanın dəstəyinə heç bir şəkildə təsir etməyəcək və bu dəstək davam edəcək. Amma bu seçkilər Putinin dostu Donald Trampın gələcəyini şübhə altına aldı...

Müəllif: Mixail Tamm
“Важные истории” nəşri

Təqribən üç həftə əvvəl Amerikada Konqresə aralıq seçkilər keçirildi. Çoxları bu seçkilərdə respublikaçıların böyük qələbəsini gözləyirdi, lakin bu baş vermədi və seçkilərin nəticələrindən sonra qüvvələr nisbəti seçkiqabağı vəziyyətdən cüzi fərqlənir. Yeganə əhəmiyyətli dəyişiklik odur ki, aşağı palatada, Nümayəndələr Palatasında indi minimum demokratik çoxluq əvəzinə, minimum Respublikaçı çoxluğu var.

Bu nəticənin mümkün bir izahat ondan ibarətdir ki, hazırkı prezident Bayden tərəfindən gözardı buraxılan “demokratik” inflyasiya, “Respublikaçıların” Ali Məhkəməsi tərəfindən abort hüququnun ləğv edilməsi vədi seçicilər üçün daha az ağrılı olduğu ortaya çıxdı.

Bu seçkilərdə Trampla yaxından əlaqədə olan respublikaçı namizədlər ondan uzaqlaşanlardan daha pis çıxış ediblər. Bu, Trampın partiyadaxili mövqeyinin nəzərəçarpacaq dərəcədə zəifləməsinə və Florida ştatının qubernatoru Ron DeSantisin 2024-cü ildə Respublikaçılar Partiyasından prezidentliyə namizədliyi üçün şanslarının kəskin artmasına səbəb olub. Bu cüzi dəyişikliklər Ukraynaya yardıma və Rusiyaya münasibətə çox da təsir etməməlidir.

Nə baş verdi?

Aralıq seçkilər prezidentlik müddətinin ortasında keçirilir, bu seçkilərdə Nümayəndələr Palatasını (Konqresin aşağı palatası), Senatın üçdə birini (Konqresin yuxarı palatası) yenidən seçilirr və bir çox ştatlarda yerli qubernator seçkilər keçirilir.

Seçkilərdən əvvəl Demokratlar Konqresdə minimal səs çoxluğuna malik idilər. Senatda Respublikaçılarla 50-yə qarşı 50 tarazlığı vardı\ Lakin Senatda səslər bərabər olduğu halda, vitse-prezident həlledici səs verir, ona görə də de-fakto səs bərabərliyi prezident adminstrasiyasının çoxluğa sahib olması feməkdir. Demokrat Partiyası Nümayəndələr Palatasında 222 deputata sahibdilər, Respublikaçların isə 213 səsi vardı. Son seeçkilərin nəticəsində Demokratlar Senatda cüzi çoxluğu qoruyub saxladılar - hazırda nisbət 50-dən 49-a qədər onların xeyrinədir (dekabrın əvvəlində ikinci turun keçiriləcəyi Corciya ştatında daha bir yer uğrunda mübarizə aparılacaq), Respublikaçılar Nümayəndələr Palatasında minimal səs çoxluğu 221 yer əldə etdikləri halda Demokratlar 213 səsə malikdirlər. Bir ştatda isə nəticələr hələlik yekunlaşdırılmayıb. Digər tərəfdən, bu seçkilərdə Demokratlar əvvəlkindən iki dəfə çox qubernatorluq qazana bildilər.

Bu nəticə niyə heyrətamizdir?

İlk baxışdan belə görünə bilər ki, bunlar son dərəcə darıxdırıcı nəticələrdir: qüvvələr balansı çox da dəyişməyib. Reallıqda Konan Doylun “Hürməyən it” hekayəsində olduğu kimi burada da əsas xəbər ondan ibarətdir ki, gözlənilən və bir çox cəhətdən baş verməli olan hadisə baş vermədi. Bu isə maraqlıdır.

Doğrudan da, seçicilər demək olar ki, həmişə aralıq seçkilərdən hakimiyyətdə olan partiyadan narazılıqlarını bildirmək üçün istifadə edirlər. Xüsusilə yeni hakimiyyətə gələn partiya üçün ara seçkilər çətin keçir. Bu təbiidir, çünki yeni hökumət yeni siyasətlər həyata keçirməyə başlayır və əslində verilən vədlər fonunda mənzərə hakim partiya üçün pis görünür. Bu, məyusluğa və etirazlara gətirib çıxarır. Reyqan, Klinton, Obama və Tramp ilk aralıq seçkilərində Nümayəndələr Palatasın müvafiq olaraq 26, 54, 63 və 42 yer itirdilər. Yalnız kiçik Buş 11 sentyabrdan sonra “vətənpərvərlik səfərbərliyi” dalğasında öz partiyasından olan konqresmenlərin sayını bir az da artıra bildi.

Buna görə də çoxları gözləyirdi ki, respublikaçılar Nümayəndələr Palatasında 30 və ya daha çox, Senatda isə 4-5 yerlə üstünlük qazana bilərlər. Bütün bunların fonunda cəmi səkkiz və ya doqquz konqresmenin itirilməsi, daha çox yerli seçkilərdəki uğur qazanılması və ola bilsin ki, Senatda əlavə bir yer qazanılması Bayden və Demokratlar üçün əhəmiyyətli qələbə kimi görünür.

Bayden administrasiyasının kifayət qədər populyar olmadığını nəzərə alsaq, daha təəccüblüdür. Çünki onun xalis populyarlıq reytinqi (tərəfdarları və əleyhdarları arasında fərq) mənfi 10 faizdən aşağıdır, Bu, Obama və Trampın populyarlıq səviyyəsinə bənzəyir. Bundan əlavə, Amerika son 40 ildə ən yüksək inflyasiya səviyyəsini yaşayır ki, bu da seçicilərin başa düşülən narazılığına səbəb olur.


Seçicilər Co Baydenin hakimiyyətindən o qədər də narazı olmaya bilərlər

“Respublikaçıların” dalğası niyə baş vermədi?

Bu gözlənilməz nəticə üçün ən azı dörd izahat var, bunların hamısı ən azı qismən etibarlı görünür.

Birinci izahat sırf texniki xarakter daşıyır və seçki dairələrinin yeni bölgüsü ilə bağlıdır. Nəzərinizə çatdırım ki, ABŞ Konstitusiyasına əsasən, əhalinin siyahıya alınması hər 10 ildən bir keçirilir, bundan sonra ştat hakimiyyəti Nümayəndələr Palatasına və yerli qanunvericilik məclislərinə seçkilər üçün dairələri yenidən müəyyənləşir. 2011-2012-ci illərdə ştatların son dilimlənməsi zamanı bir çox ştatlarda kifayət qədər radikal Respublikaçı hökumətlər hakimiyyətdə idi, bu da ştatları Respublikaçılar üçün çox əlverişli şəkildə bölünməsinə yol açdı. Nəticədə, 10 il ərzində Respublikaçılar kifayət qədər ciddi daxili üstünlük əldə etdilər. Hətta iki ştat - Pensilvaniya və Şimali Karolina məhkəmələri rayonların bölünməsini daha ədalətli bir şəkildə dəyişdikdən sonra belə, respublikaçıların nəzərəçarpacaq üstünlüyü saxlanıldı.

Bu, ciddi əks-səda doğurdu. Bir tərəfdən, bir çox ştatlarda, ictimai kampaniyaların təzyiqi altında, partiyasız rayon komissiyaları yaradıldı, digər tərəfdən isə demokratlar tərəfindən nəzarət edilən bəzi ştatlarda sərhədləri daha açıq şəkildə çəkməyə başladılar. Nəticədə, 2020-ci il siyahıya alınmasından sonra rayonların yeni bölgüsü daha balanslı oldu.

Nümayəndələr Palatasına seçkilərdə verilən səslərin yekun sayı hələ məlum deyil, lakin çox güman ki, respublikaçılar onları təxminən iki faiz fərqlə qazansınlar. Köhnə ştat sərhədləri ilə bu, çox güman ki, onlara Nümayəndələr Palaatasındakı kürsülərinin sayında nəzərə çarpacaq dərəcədə üstünlük verəcək.

Seçkinin nəticələrinə Ali Məhkəmənin abortla bağlı konstitusiya hüququnu ləğv edən iyun qərarının böyük təsiri olduğu görünür. Bu qərar məhkəmədə mühafizəkar çoxluq təşkil edən Donald Trampın sayəsində mümkün olub.

İkinci izahat ondan ibarətdir ki, seçicilər ilk baxışdan göründüyü kimi Administrasiyadan narazı olmaya bilərlər.

Bəli, Bayden kifayət qədər populyar deyil, lakin nadir hallarda kimsə ondan Tramp və Obamanın seçicilərin böyük bir hissəsində səbəb olduğu qədər rədd cavabı alır.

Bəli, inflyasiya yüksəkdir, lakin hamı başa düşür ki, onun səbəbləri əsasən administrasiyanın fəaliyyəti ilə bağlı deyil.

Bəli, seçicilər mümkün tənəzzüldən qorxurlar, lakin o, hələ gəlməyib və işsizlik hər zamankı kiimi ən aşağı səviyyədə qalır.

Bayden seçiləndə seçicilərə söz vermişdi ki, o, “normal prezident olacaq”, sonsuz qalmaqallara yol verməyəcək, Konqresdəki partiyalar arasında konstruktiv əməkdaşlığı bərpa edəcək. O, müəyyən dərəcədə buna nail oldu. Qoşunların Əfqanıstandan çıxarılmasından sonra isə Baydenin administrasiyada ciddi uğursuzluqlar olmayıb, Konqres ikitərəfli dəstəyi ilə bir neçə mühüm qanun qəbul edib. Bunlara infrastruktur sərmayələri, mikroelektronikaya investisiyalar, cinayətkarlıqla mübarizə haqqında qanunlar daxildir. Bu uğurlar heyrətamiz görünmür, amma ümumilikdə administrasiyanın və demokrat çoxluğun seçicilərin “bu iki ildə nə işlə məşğul olmusunuz”, sualına cavab verə biləcəkləri bir şey var.

Üçüncü izahat ondan ibarətdir ki, Ali Məhkəmənin konstitusion abort hüququnu ləğv edən iyun qərarının seçkinin nəticəsinə böyük təsiri olduğu görünür. ABŞ-ın siyasi sisteminin özəlliyi ondan ibarətdir ki, Ali Məhkəmə burada qeyri-adi dərəcədə böyük rol oynayır. ABŞ Konstitusiyasının demək olar ki, 250 yaşı var, ona düzəlişlərin edilməsi qaydaları çox mürəkkəbdir (indiyə qədər cəmi 27 düzəliş edilib) və Ali Məhkəmə ənənəvi olaraq Konstitusiyanı şərh etmək səlahiyyətinə malikdir. Nəticədə Konstitusiya faktiki olaraq əlavələrlə deyil, Ali Məhkəmənin yeni şərhini müəyyən edən qərarlarla dəyişdirilir.

Bir qayda olaraq, Ali Məhkəmə bu səlahiyyətdən ehtiyatla istifadə edir, lakin indi Trampın prezidentliyi dövründə təyin olunan üç yeni hakim sayəsində Ali Məhkəmə radikal mühafizəkar çoxluğa malikdir.

Ali Məhkəmənin artıq qəbul etdiyi ən mühüm qərar isə döl müstəqil olaraq mövcud ola biləcək yaşa çatmamış qadının şəxsi həyatın toxunulmazlığı hüququna abort hüququnu da ehtiva edən 50 illik hökmün ləğv edilməsidir. Bu qərarın hüquqi təfərrüatları ilə bağlı mübahisə etmək olar. Bir tərəfdən 50 il əvvəlki köhnə qərar hüquqi baxımdan çox şübhəli idi, digər tərəfdən Ali Məhkəmə bir qayda olaarq səhv də olsa, köhnə qərarları düzəltməkdən çox çəkinir. Öz həyatlarını planlayan insanlar üçün onların əsaslarına öyrəşiblər.

Son seçkilər isə onu göstərdi ki, abort hüququnun ləğvi seçicilər arasında açıq şəkildə çox xoşagəlməzdir.

Son aylar bir sıra ştatlarda abortun qadağan edilməsi və ya əksinə, dövlət səviyyəsində hüququn konstitusiya ilə müdafiəsi üçün referendumlar keçirilib. Bütün bu referendumlarda, o cümlədən Kanzas və Kentukki kimi mühafizəkar ştatlarda abort əleyhinə olanlar məğlub olub. Seçki məntəqələrindən çıxışda aparılan sorğulara görə, abort mövzusu bu seçkilərdə seçicilər üçün inflyasiya mövzusundan sonra ikinci ən vacib mövzu olub.


Donald Trampın tövsiyələri seçkilərdə partiyadaxili məsələlərdə Respublikaçı namizədlərə kömək edir. Amma görünür ki, universal Amerika məəsələlərində isə bu tövsiyyələr ancaq mane olur

Nəhayət, seçkilərin nəticələri ilə bağlı dördüncü izahat keçmiş prezident Trampın şəxsiyyəti ilə bağlıdır. Düzdür, Tramp son iki ildə Respublikaçılar Partiyasına nəzarəti davam etdirib. Onun dəstəklədiyi namizədlər respublikaçıların praymerizlərində qalib gəlməyə meyllidirlər. Onların bir çoxu 2020-ci ildə iddia edilən seçki saxtakarlığına qarşı mübarizəni kampaniyalarının mərkəzində olub. Ancaq göründüyü kimi, ümumi seçkilərdə belə bir gündəmlə qalib gəlmək, yumşaq desək, partiyadaxili praymerizlərdə qalib gəlməkdən qat-qat çətindir.

Pensilvaniya, Nyu-Hempşir, Arizona və Nevada ştatlarında Tramp tərəfdarı olan namizədlərin məğlubiyyəti Respublikaçıların Senatda çoxluq qazanmasına mane oldu və bu dörd ştatın hamısı mərkəzçi və ya sağ mərkəzçidir.

Normalda bu ştatlarda aralıq seçkiləri orada Respublikaçılar qazanmalı idi. Digər tərəfdən, Trampla daha az əlaqəli olan Respublikaçı namizədlər bir çox ştatlarda çox parlaq qələbələr qazanıblar. Belə ki, kifayət qədər mühafizəkar Ohayo ştatında Trampla birbaşa əlaqəsi olmayan qubernator DeVayn 24%, Trampçı senatorluğa namizəd Vens isə cəmi 7% səs fərqi ilə yenidən seçilib.

Mərkəz sağçı Corciya ştatında Trampın tələbi ilə 2020-ci il seçkilərinin nəticələrini “düzəltməkdən” imtina etməsi ilə tanınan Respublikaçı Qubernator Kemp asanlıqla təkrar seçkidə qalib gəldi, Trampçı senator namizəd Uoker isə ikinci tura keçdi.

Alyaskada Senata seçkilər Respublikaçılar Partiyasının Tramp tərəfdarı və əleyhinə olan qanadları arasında birbaşa qarşıdurmaya çevrildi. Orada senator Murkovski (Trampın ikinci impiçmentinə səs verən altı respublikaçı senatordan biri) Trampın dəstəklədiyi namizədi kifayət qədər inamla məğlub etdi.

Floridadakı seçkilər Respublikaçılar üçün xüsusilə uğurlu oldu, burada Qubernator DeSantis nəinki 19% səs fərqi ilə yenidən seçildi, eyni zamanda partiyasına Nümayəndələr Palatasında dörd yeni yer qazandırdı.

Hər bir mühüm ştatda 2020-ci il seçki saxtakarlığı nəzəriyyəsini öz kampaniyalarının mərkəzinə qoyan qubernator və dövlət katibliyinə namizədlər (seçki rəsmiləri) məğlub olublar. Təəccüblü deyil ki, bir çox müşahidəçilər Trampı Respublikaçılar üçün pis nəticələrə görə günahlandırırlar.


Respublikaçıların yüksələn ulduzu və növbəti prezident seçkilərində mümkün namizəd Ron DeSantis. O, nəinki qeyri-adi böyük fərqlə Florida ştatının qubernatoru seçilib, həm də Konqresin aşağı palatasındakı yeni yerlərin yarısını respublikaçılara qazandırıb.

Aralıq seçkiləri yaxın iki ildə siyasətə necə təsir edəcək?

Yaxı iki ildə iki əsas dəyişiklik gözlənilir:

Birincisi, Respublikaçılar indi Konqresin palatalarından birinə nəzarət edirlər, bu isə o deməkdir ki, Demokrat prezident Bayden administrasiyası üçün yeni qanunvericiliyi qəbul etmək xeyli çətinləşəcək. Demokratların gündəmini irəli aparmaq üçün hər hansı əhəmiyyətli yeni qanunların qəbul ediləcəyi ehtimalı azdır. Ola bilsin ki, seçki qanununa əyalət qanunverici orqanlarının və vitse-prezidentin özbaşına prezident seçkilərini ləğv etmək səlahiyyətini qadağan edən, eynicinsli və irqlərarası nikah hüququnu qanuniləşdirən (hazırda hər ikisinin Ali Məhkəmənin qərarı ilə qanuniləşdirilib, lakin məhkəmənin bu qərarlara yenidən baxmağa qərar verməyəcəyinə əminlik yoxdur), Ukraynaya dəstək üçün yeni vəsaitlərin ayrılması və s. qanunlar səlahiyyəti başa çatmaqda olan Konqresin yanvara qədər yekun iclasında qəbul ediləcək.

İkincisi, siyasi turbulentliyin əhəmiyyətli dərəcədə artması gözlənilə bilər. Çox kiçik səs çoxluğu olan fraksiyanı idarə etmək son dərəcə çətindir. Bu, xüsusilə, xeyli sayda deputatın olduğu Nümayəndələr Palatasında, yumşaq desək, çox ifrat fikirlərə dolu olan Palataya aiddir. Hazırda Nümayəndələr Palatasının spikeri demokrat Nensi Pelosidir və o, öz fraksiyasını idarə etmək üçün həqiqətən fenomenal qabiliyyətə malikdir. Pelosi artıq təqaüdə çıxdığını elan edib, yeni spiker, görünür, belə fövqəlbəşəri qabiliyyətlərə malik olmayan Nümayəndələr Palatasında Respublikaçıların hazırkı lideri Kevin Makkarti olacaq.

Nümayəndələr Palatasındakı radikal respublikaçılar isə radikal demokratlardan daha çox və daha yaxşı təşkilatlanıblar. Nəticədə, bir çox məsələlərdə kiçik respublikaçı konqresmen qruplarının gündəmi diktə edə bilməsi riski var. addımlar. Respublikaçılar arasında Baydenin oğlu Hunterin biznes əlaqələri, FTB-nin işi, 6 yanvar 2021-ci il hadisələrini araşdırmaq üzrə komissiyanın işi, Ukraynaya yardımın auditi və s. haqqında araşdırmalara başlamaq barədə artıq çox danışılır.

Bu seçkilər Ukraynaya olan dəstəyə necə təsir edəcək?

Çox güman ki, heç bir təsi etməyəcək. Hər iki tərəf Ukraynaya hərbi və iqtisadi yardım göstərilməsinin tərəfdarı olan güclü səs çoxluğuna malikdir. Respublikaçı senatorlar son aylarda mütəmadi olaraq administrasiyanı kifayət qədər yardım etmədiyinə görə tənqid edirdilər.

Bununla belə, yuxarıda təsvir edilən turbulentliyin ümumi artması prosesə mənfi təsir göstərə bilər. Respublikaçılar partiyasında başqa şeylərlə yanaşı, Ukraynadakı müharibənin ABŞ-ı narahat etmədiyinə və Ukraynaya yardım üçün ayrılan pulun ölkə daxilində, məsələn, müdafiə üçün daha yaxşı xərclənəcəyinə inanan kiçik, lakin səs-küylü təcridçi azlıq var. Bu fikrin tərəfdarları Konqresin hər iki palatasında yardımı əngəlləmək üçün kifayət qədər səsə malik deyillər, lakin respublikaçı çoxluğun ümumi qeyri-sabitliyi səbəbindən vaxtaşırı gündəmə müdaxilə edə və yeni vəsaitlərin keçməsində çətinliklər yarada bilərlər.

Tarixən təcridçi baxışları və Putinə simpatiyası ilə tanınan Tramp təcridçi konqresmenlərin lehinə danışmağa başlasa, vəziyyət Ukrayna üçün xüsusilə xoşagəlməz ola bilər.

Bu seçkilər 2024-cü il prezidentlik kampaniyasına necə təsir edəcək?

Aralıq seçkilərdən cəmi bir həftə sonra keçmiş prezident Tramp 2024-cü il prezident seçkilərində namizədliyini irəli sürəcəyini açıqladı. Göründüyü kimi, namizədliyin ilkin olaraq aralıq seçkilərdə Respublikaçıların böyük uğurlarının qeyd olunması dalğasında baş tutması planlaşdırılırdı. Lakin ümumilikdə partiyanın, xüsusən də Trampın irəli sürdüyü namizədlərin nisbi uğursuzluğu nəzərdə tutulan effekti açıq şəkildə azaldıb və ümumilikdə Trampın partiya üzərində nəzarətini xeyli zəiflətdiyi görünür.

Lakin Trampın hələ də Respublikaçı seçicilər arasında populyar olduğuna şübhə yoxdur. Amma ona müsbət yanaşan respublikaçı seçicilərin nisbəti (80%) praymerizdə ona səs verməyə hazır olanların nisbətindən iki dəfə çoxdur.

Tramp üçün xüsusilə xoşagəlməz hal odur ki, onun rəqibləri vahid namizəd - yuxarıda adı çəkilən Florida qubernatoru Ron DeSantisin ətrafında birləşməyə başladığı görünür.


Donald Tramp artıq yenidən prezident olmaq istədiyini bildirib

Əhəmiyyətli olan odur ki, siyasi baxışları baxımından DeSantis Trampın populist məktəbinin tipik respublikaçısıdır, həm mötədil sağ mərkəzçi, həm də Trampı bəyənməyən ənənəvi mühafizəkarlarla çox az ümumi cəhəti var. Eyni zamanda, onun adı uzun illər qalmaqallarda hallanmayıb və seçilə biləcəyini parlaq şəkildə sübut etdi.

Təəccüblü deyil ki, “növbəti seçkidə Trampla uduzmaq və ya DeSantislə qalib gəlmək” alternativi ilə üzləşən bir çox respublikaçı sonuncunu seçir. Respublikaçıların son anketlərində DeSantis ya Tramla bərabər, ya da Trampdan bir qədər irəlidədir.

Aydındır ki, prezident seçkilərinin başlamasına hələ 13 aydan çox vaxt var və bu müddətdə çox şey ola bilər. DeSantis hələ rəsmi olaraq öz namizədliyini də irəli sürməyib. Yaxın tarix isə çox perspektivli başlayan, lakin uğursuzluqla nəticələnən bir çox prezidentlik kampaniyalarını görüb. Trampı düzgün qiymətləndirməyən müşahidəçilər dəfələrlə səhv etdiklərini sübut ediblər. Amma hazırda keçmiş prezident üçün vəziyyət o qədər də çəhrayı görünmür.

Demokrat Partiyasının namizədinə gəlincə, hələ ki, onlarda aydınlıq yoxdur. Prezident Bayden ikinci müddətə namizəd olmaq hüququna malikdir və bunu açıq şəkildə istəyir. O, kifayət qədər qeyri-populyardır, lakin Klinton və ondan əvvəlki Obama seçkidən iki il əvvəl oxşar etimad səviyyəsindən başlayaraq yenidən seçilə bildilər.

Aralıq seçkilər Bayden üçün çox yaxşı keçdi. Ancaq bir böyük çatışmazlıq var. Bu çatışmamazlıq isə Baydenin yaşı ilə bağlıdır. Baydenin bu yaxınlarda 80 yaşı tamam oldu. Yaşına görə çox yaxşı formadadır, amma səhhətinin ona daha 6 il prezident vəzifəsini icra etməyə imkan verib-verməyəcəyi isə tam aydın deyil.

2024-cü il kampaniyası zamanı Trampla (76 yaşında) qarşıdurmada o, seçicilərinə az və ya çox layiqli və tanış görünə bilərdi, lakin xeyli gənc rəqibin (DeSantis, 44 yaş) fonunda qaçılmaz yaş dəyişiklikləri problemi böyük olacaq.

Təəccüblü deyil ki, Demokratlar partiyasının əksər seçiciləri2024-cü ildə başqa bir namizəd görmək istəyirlər. Kimin olacağı isə hələ də tam aydın deyil, ancaq təxminən onlarla ağlabatan variantlar var və yaxın altı ayda bu məsələdə müəyyən aydınlıq gətiriləcəyi gözlənilmir.

Tərcümə PİA.az-a aiddir

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Sərnişindaşımada qiymət artdı... - Vətəndaşların sosial vəziyyəti necə olacaq?

Dövlət Təhlükəsizliyi Xidmətinin səlahiyyətləri artırıldı

NTV-nin jurnalisti Ukraynada Kadırovçular tərəfindən dəfələrlə zorlanıb

Qəbirlər hər gün 5 kəlmə ilə insanı çağırar

Uçot dərəcəsinin rekord səviyyəyə qədər artırılması dünya ticarət sisteminə necə təsir edəcək?

Naxçıvanın Penitensiar Xidmətinin rəisi həbs edilib - Foto

Səbuhi Şahverdiyev Naxçıvan Muxtar Respublikasının prokuroru vəzifəsindən azad edilib

Alimpaşa Məmmədov bağçaların pulunun mənimsənilməsindən danışdı

Ən çox oxunanalar