Belçikada bu dəfə də polislər mitinq etdi

PİA.az Türkiyə mətbuatına istinadla xəbər verir ki, Belçikanın paytaxtı Brüsseldə polislər bir həmkarlarının bıçaqlı hücumda ölməsindən sonra polislərə olan zorakılığa qarşı yürüş təşkil edib.

Belçikanın müxtəlif şəhərlərindən minlərlə polis Brüsseldə Şimal Qatar Vağzalının qarşısına toplaşıb. Şüarlarla yürüş edən polis şəhər mərkəzindəki Arts-Loi qovşağında yürüşünü başa vurub.

Birlik nümayəndələri baş nazir Aleksandr de Kroonun rəhbərlik etdiyi Açıq VLD Partiyasının qərargahında qəbul edilib.

Yürüşlə əlaqədar səhər saatlarından şəhərdə nəqliyyatın hərəkəti ciddi şəkildə pozulub.

Qeyd edək ki, noyabrın 10-da Şarbik rayonunda bir polis bıçaqlı hücum nəticəsində həlak olmuşdu.

Keçən il bir həftə çəkdi

Belçika polisi keçən ilin eyni günlərində qiymət artımı və pensiya hüquqlarına görə təxminən bir həftə etiraz aksiyaları keçirdi.

Polis 2000-ci ildən bəri maaşlarının artırılmamasına və 2030-cu ilə qədər vəzifələrindən asılı olmayaraq, bütün polislərin vəzifəsini “ağır vəzifə” kateqoriyasından çıxarılaraq, pensiya yaşının 67-yə qaldırılmasına etiraz etmişdi. Nümayişlərin sonunda isə polisin maaş artımı tələbi yerinə yetirilmişdi.

pia.az