Ərdoğana qarşı 5 qəpiklik məhkəmə işi açıldı

PİA.az Türkiyə mətbuatına istinadən xəbər verir ki, CHP sədri Kamal Kılıçdaroğlunun vəkili Cəlal Çelik Ərdoğanın dünənki qrup toplantısında Kılıçdaroğluna qarşı işlətdiyi təhqiramiz ifadələrə görə məhkəməyə verildiyini açıqlayıb.

CHP sədri Kamal Kılıçdaroğlu AKP sədri Rəcəb Tayyib Ərdoğanın qrup toplantısında ona qarşı işlətdiyi “ləyaqətsiz, səfil, yazıq, alçaq, namərd, bacarıqsız, həyasız” kimi ifadələrə görə prezidentə qarşı 5 kuruşluk təzminat iddiası qaldırıb.

Kılıçdaroğlunun vəkili Cəlal Çelik sosial media hesabında bunları paylaşıb:

“Ədəbdən uzaq bir dilin məhsulu olan “ləyaqətsiz, səfil, yazıq, alçaq, namərd, bacarıqsız, həyasız” kimi sözlərə görə və eyni zamanda, rəhbərimiz Kılıçdaroğlunun: “Təzminatın məbləği müvafiq şəxsin xarakteri və dəyəri nəzərə alınmaqla müəyyən edilməlidir. Ərdoğanın şəxsiyyəti üçün daha əvvəl də təyin etdiyim 5 kuruşluk dəyəri dəyişəcək hər hansı bir dəyişiklik olmadığına görə yenidən 5 kuruşluk iddia qaldırın və bunları bəyan edin!”, təlimatlarına uyğun olaraq Ərdoğana qarşı 5 kuruşluk təzminat iddiası qaldırılmışdır!”

pia.az