ABŞ tədqiqatçıları insan orqanizmində qocalma hüceyrələriin faydalı xüsusiyyətini aşkar ediblər...
San-Fransiskodakı “Kaliforniya” Universitetində aparılan araşdırmada qocalmaya bağlı xəstəliklərdə rol oynadığı üçün çox da populyar olmayan bu hüceyrələrin əslində zədələnmiş toxumaların sağalmasına kömək etdiyi ortaya çıxıb.
Milli Qocalma İnstitutu, çoxalmağı dayandıran, lakin zədə və ya stress səbəbiylə ölməyən yaşlı hüceyrələri "zombi hüceyrələri" adlandırır. Bu institut dəri hüceyrələrini 30 yaşa qədər cavanlaşdırmağın yolunu tapıb. Buna görə yaşlanma əleyhinə müalicə üsulları hazırlamağa çalışan alimlər zombi hüceyrələrindən xilas olmağı düşünürlər. Lakin elmi araşdırma jurnalında dərc olunan yeni araşdırma göstərir ki, bu hüceyrələri məhv etmək heç də yaxşı fikir deyil.
Tədqiqatçılar qocalmış hüceyrələrin əslində kök hüceyrələrin inkişafına kömək etdiyini aşkar ediblər. Bu, zombi hüceyrələrinin mümkün zədələnmədən sonra ağciyər toxumasının bərpasında rol oynadığını göstərir. Laboratoriya siçanları və insan hüceyrələri üzərində aparılan araşdırmada qocalma ilə bağlı xəstəliklərlə mübarizə aparmaq üçün hazırlanan iki dərmanın – dasatinib və quercetin-in təsiri araşdırılıb. Məlum olub ki, “zombi hüceyrələri”ni öldürdüyü bilinən bu dərmanlar ağciyərləri təmir edən mexanizmi pozur. Tədqiqatın həmmüəllifi Tien Penq vurğulayır ki, qocalma açma-söndürmə açarından daha çox siferblat kimidir. Buna görə də “zombi hüceyrələri” ən gəncdən böyüyə qədər geniş spektrə malikdir. Buna görə də tədqiqatçılar qocalmanı gecikdirməyə çalışarkən bütün “zombi hüceyrələri”in eyni şəkildə müalicə oluna bilməyəcəyini düşünürlər.
"Bəlkə də qocalma xəstəliklərinin ilk əlamətləri görünəndə qocalmış hüceyrələrin ən zərərli olanını müəyyən etməliyik", deyə tədqiqatçı Leanne Jones vurğulayıb. Tədqiqat göstərir ki, faydalı olanları toxunulmaz qoyaraq zərərli hüceyrələri müəyyənləşdirməyə və hədəf almağa çalışmalıyıq. “New Atlas” jurnalına danışan alim sözlərini belə davam etdirib:
“Tapıntılar regenerasiyaya yönəlmiş müalicələrdən daha çox, xəstəlikdə iştirak edən bu hüceyrələrin spesifik alt qruplarını hədəf almaq üçün dərman və molekulların hazırlanması ehtiyacını vurğulayır”.
pia.az