Samux Rayon Məhkəməsində həmkəndlisinin qulağını kəsməkdə təqsirləndirilən Qasım Qasımovun (ad, soyadı şərti) cinayət işi üzrə məhkəmə istintaqı başa çatıb...
PİA.az-ın xəbərinə görə, hakim Səadət Zeynalovanın sədrliyi ilə keçirilən prosesdə hökm oxunub.
Məhkəmənin hökmü ilə o, 1 il müddətinə azadlıqdan məhrum edilib. İstintaq dövründə barəsində seçilmiş ev dustaqlığı qətimkan tədbiri dəyişdirilərək həbs qətimkan tədbiri ilə əvəzlənib və Qasım Qasımov məhkəmə zalında həbs olunub. Bu hökmdən narazı qalan məhkum apellyasiya şikayəti verib.
Gəncə Apellyasiya Məhkəməsi şikayəti qismən təmin edib.
Belə ki, iş üzrə onun həbsdə saxlandığı 6 ay 11 günün bir günü azadlığın məhdudlaşdırılması (elektron qolbaq) növündə cəzanın iki gününə bərabər tutulmaqla təyin olunmuş cəzadan çıxılıb və üzərində qəti olaraq 5 ay 8 gün müddətinə azadlığın məhdudlaşdırılması cəzası saxlanılıb.
İttiham aktına əsasən, hadisə 18 fevral 2022-ci il tarixdə saat 19 radələrində Samux rayon Füzuli kəndi, şəhid Ağaməmməd Ağamalıyev küçəsindəki “Şəhidlər bulağının” qarşısında qeydə alınıb.
Belə ki, Qasım Qasımovun həmkəndlisi Əliyev Mirzaman Nürəddin oğlu su krantını qırıb. Buna görə o, Mirzamanla mübahisə edərək dalaşıb. Dava zamanı Qasım Mirzaman Əliyevi qəsdən yumruq və təpiklə vurub yerə yıxıb. Daha sonra təqsirləndirilən şəxs onun yerdə uzanıqlı vəziyyətdə olduğunu görüb təpiklə baş və sifət nahiyələrinə yenidən zərbələr endirib və sağ qulağını kəsib.
Daha sonra Qasım Qasımov saxlanılıb və barəsində ev dustaqlığı qətimkan tədbiri seçilib.
pia.az
Digərxəbərlər
Populyar xəbərlər
