Rusiyanın qismən səfərbərlik elan etməsi Ukraynada uğursuzluğunun göstəricisidir...
“Report” “dw”yə istinadən xəbər verir ki, bu barədə Almaniyanın kansleri Olaf Şolts bildirib.
Məlumata görə, hökumət başçısı Rusiyanın bu addımını Ukraynanın ərazi bütövlüyü və suverenliyini dünyanın bir çox ölkələrinin, xüsusən də Almaniyanın genişmiqyaslı və ciddi dəstəyi sayəsində çox effektli müdafiə etməsinin əlaməti kimi dəyərləndirib.
Vitse-kansler Robert Habek deyib ki, qismən səfərbərlik beynəlxalq hüququn pozulması, Ukraynaya qarşı hərbi təcavüzün və gərginliyin davam etməsidir: "Kremlin bu addımı “dəhşətli və doğru olmayan addımdır. Rusiya Prezidenti Vladimir Putinin yeni gərginlik yaratması sülh danışıqlarının tezliklə olmayacağını ehtimal etməyə əsas verir".
Qeyd edək ki, Rusiya Prezidenti Vladimir Putin bu gün xalqa müraciətində ölkədə qismən səfərbərlik elan olunduğunu açıqlayıb. Rusiyanın müdafiə naziri ordu generalı Sergey Şoyqu isə ehtiyatda olan 300 min nəfərin qismən səfərbərlik çərçivəsində orduya çağırılacağını bildirib.
pia.az
Digərxəbərlər
Populyar xəbərlər
