Şənbə, 01 Oktyabr 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Hökumət müəyyən mənada zorakılıq edir” - Ekspertdən çörəyin qiymətinin artımına reaksiya...

Azərbaycanın iri un və çörək istehsalçıları birgə məlumat yayaraq unun və çörəyin yuxarı hədlərini müəyyənləşdiriblər...

Rəşad Həsənov: “Çörəyin qiymətini istehsalçılar müəyyən etməlidir. Çünki məhsul onların məhsuldur və onlar ziyanla çalışmalı deyil”.

“İstehsalçı məhsulu baha istehsal edib, ucuz satmalı deyil. Hökumət bu sektorun ziyanla işləməsinin qarşısını almaq haqqında düşünməlidir”.

Bu sözləri iqtisadçı-ekspert Rəşad Həsənov Azərbaycanda növbəti çörək artımının səbəblərini PİA.az-a şərh edərkən qeyd edib.

Azərbaycanın iri un və çörək istehsalçıları birgə məlumat yayaraq unun və çörəyin yuxarı hədlərini müəyyənləşdiriblər. Belə ki, un istehsalçıları çörək və un məmulatlarının qiymətini 2022-ci ilin taxılın biçin-tədarük dövrünədək göstərilən səviyyədən yuxarı qalxmaması üçün bütün səylərini səfərbər edib və ötən dövr ərzində ərzaqlıq buğdanın qiymətində artımlar baş versə də, unun qiymətində artım olmayıb. Bununla belə, dünya bazarında, həmçinin əsas idxal bazarlarında taxılın qiymət dinamikasında artımın davam etməsi qiymətlərin yenidən uyğunlaşdırılmasını zəruri edir.

Yaranmış vəziyyətdə idxal qiymətləri (ərzaqlıq buğdanın son üç ay üçün orta aylıq idxal dəyərinin 365 ABŞ dolları səviyyəsində olması) və emal xərcləri nəzərə alınmaqla, qiymətlərin yuxarı hədləri müəyyənləşdirilib: 50 kq-lıq bir kisə unun Bakı şəhərində ən yüksək qiymət həddi - 40,70 manat.

Nəticədə unun yeni qiymətinə uyğun olaraq 500 qr-lıq ənənəvi (dairəvi) çörəyin pərakəndə satış qiyməti - 55 qəpik, 600 qr-lıq çörəyin pərakəndə satış qiyməti - 65 qəpik, 650 qr-lıq çörəyin pərakəndə satış qiyməti - 70 qəpik təşkil edəcək.

Bu qərara əməl etmək istehsalçılar və marketlər üçün nə qədər məcburi ola bilər və bu qərarın yerinə yetirilməsi üçün dövlət təminatı varmı?

Çörəyin qiymət artımını PİA.az-ın əməkdaşı iqtisadçı-ekspert Rəşad Həsənov ilə müzakirə edib.

Rəşad Həsənov: “Hökumət məhsulun ucuz başa gəlməsi üçün yollar tapmalıdır. Həmçinin hökumət elə etməlidir ki, Azərbaycan ərzaq məhsullarının 95 faizini xaricdən idxal etməsin”.

Hökumətin sahibkarlara subsidiyalar verdiyini xatırladan ekspert PİA.az-a bildirib ki, hökumət bu yollarla bazarda psixoloji dalğa yarada bilən məhsul növü olan çörəyin qiymətini müəyyən səviyyədə saxlanmasına çalışır:

“Çörəyin qiymətini istehsalçılar müəyyən etməlidir. Çünki məhsul onların məhsuldur və onlar ziyanla çalışmalı deyil. Bu dövlət tərəfindən tənzimlənən fəaliyyət sahəsi deyil. Taxılın və unun qiyməti Tarif Şurası tərəfindən tənzimlənmir.

Ona görə də düşünürəm ki, bizim hökumət müəyyən mənada zorakılıq edir. Eyni zamanda hökumət müəyyən mənada haradasa kompromis yollar tapmağa çalışır. Yəni hökumət sahibkarlara subsidiyalar verir və beləliklə də, hökumət bu yollarla çalışır ki, bazarda psixoloji dalğa yarada bilən məhsul növü olan çörəyin qiymətini müəyyən səviyyədə saxlasın.

Rəşad Həsənov: “Hökumətin birbaşa çörəyin qiymətinə müdaxilə etməsi bizim real bazar iqtisadiyyatına diqtə etməyimiz deməkdir”.

Amma istehsalçı məhsulu baha istehsal edib, ucuz satmalı deyil. Hökumət bu sektorun ziyanla işləməsinin qarşısını almaq haqqında düşünməlidir. Yəni hökumət məhsulun ucuz başa gəlməsi üçün yollar tapmalıdır. Həmçinin hökumət elə etməlidir ki, Azərbaycan ərzaq məhsullarının 95 faizini xaricdən idxal etməsin. Hökümət bunların üzərində düşünməlidir.

Onu da qeyd edim ki, istehsalçılara müxtəlif ölkələrdə yanacaq, enerji sərfiyyat xərclərinin optimallaşdırılması ilə bağlı hökumət qərarlar qəbul etməlidir. Yəni hökumət sahibkarlara bu istiqamətdə hansısa formada müəyyən dəstək verə bilər. Amma hökumətin birbaşa çörəyin qiymətinə müdaxilə etməsi bizim real bazar iqtisadiyyatına diqtə etməyimiz deməkdir”.

Nərminə UMUDLU
pia.az


Etiket:


Digərxəbərlər

General-mayor Bəkir Orucov "Tərtər işi" üzrə təqsirli bilinərək həbs olunub - Yenilənib

Deputat məktəblər haqqında: “Özbaşınalıq, hərc-mərclik, rüşvət tüğyan edir...”

Populyar xəbərlər

Paşinyan NATO hərbçilərini Azərbaycanla sərhədə gətirir - Təhlükəli oyun

Hücum helikopterləri Zahedan üzərində uçaraq Bəluç nümayişçilərinə atəş açdı - Video, Yenilənib

Zaqatalada tarixi şəxsiyyətlərin adı ilə bağlı biabırçılıq- Fotofakt

“Dövlətdən oğurlayıb, küçə insanlarına ev alırlar” - Partiya sədri 

"Özünüzü artistliyə vurmayın, yığışdırın yalançı sevgilərinizi"

“Caliber”: “Hindistanın lazımsız silahları Ermənistana kömək etməyəcək” - Video

Sentyabr şəhidinin ürək dağlayan həyat hekayəsi 

Bu gündən icbari avtomobil sığortası üzrə haqlar yeni qayda ilə hesablanacaq

Ən çox oxunanalar