06 avqust 2022-ci ildə Səbail rayon məhkəməsində Dövlət Təhlükəsizliyi Xidmətində aparılan cinayət işi üzrə müstəntiqin vəsatətinə baxılıb.
PİA.az bizimxeber.az-a istinadən xəbər verir ki, vəsatətə baxan məhkəmə Əbülfəz Məlikovun barəsində həbs qətimkan tədbiri seçib.
Əbülfəz Məlikov illər ərzində müxtəlif adamların adına yaratdığı saxta şirkətlər vasitəsi ilə apardığı maliyyə əməliyyatları ilə dövlət büdcəsinə milyonlarla manat vergi və gömrük ödəmələrindən yayınmaqda və vəzifə saxtakarlıqlarında ittiham olunur.
Qeyd edək ki, Məlikov Dövlət Gömrük Komitəsinin yüksək vəzifəli şəxsləri barəsində davam edən cinayət işi çərçivəsində saxlanılıb.
Onun “gömrük monopoliyaları”, "Broker" şəbəkə maxenasiyaları, saxta nağdlaşdırma şirkətləri barədə mətbuatda illərdir yazılar yayılırdı.
***
Azərbaycanın gömrük sistemində xüsusi rola sahib olan “Trans Broker” MMC-nin keçmiş rəhbəri, hazırda Abşeron və Ələt Beynəlxalq Dəniz Limanının “Loqistika Mərkəzi”ni nəzarətində saxlayan Əbülfəz Məlikovun həbs olunduğ iddia olunur.
PİA.az xəbər verir ki, bu barədə gundelik-baku.com saytı məlumat yayıb. Saytın yazdığına görə “Broker” ləqəbli iş adamı Əbülfəz Məlikov saxlanılıb və onun barəsində həbs qətimkan tədbiri seçilib. Qeyd olunur ki, Əbülfəz Məlikovun işbirlikçisi və şəriki Əliyar adlı şəxsin də həbs olunacağı gözlənilir.
Xatırladaq ki,Əbülfəz Məlikov uzun müddət rəhbərlik etdiyi “Broker” MMC vasitəsi ilə Azərbaycan gömrüyünü idarə edib və faktiki rəhbərliyi həyata keçirib.
pia.az
Digərxəbərlər
Populyar xəbərlər
