Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Balıq ovu müddətinə dair yeni tələblər müəyyənləşib

Nazirlər Kabineti “Balıq və digər su bioresursları ovunun Qaydaları”nda dəyişiklik edib.

PİA.az-ın məlumatına görə, meliorativ kollektorlarda balıq və digər su bioresursları ovu qaydası dəyişib.

Əgər indiyə qədər meliorativ kollektorların mənsəbində və məcrasında istifadəsi mümkün olan bütün ov alətləri il boyu balıq və digər su bioresursları ovuna icazə verilirdisə, artıq meliorativ kollektorlarda ova icazə verilən müddətlər aşağıdakı kimi olacaq:

- axçalı balıqların ovu - dayanan nevodlar, karavalar, venterlər və axçalı balıq torları - yanvar ayının 1-dən may ayının 1-nə qədər və sentyabr ayının 1-dən dekabr ayının 31-nə qədər

- İlanbalığının ovu - venterlər - yanvar ayının 1-dən mart ayının 1-nə qədər və oktyabr ayının 1-dən dekabr ayının 31-nə qədər

- Krevetlərin ovu - venterlər - iyul ayının 1-dən noyabr ayının 1-nə qədər.

Xəzərdə venterlərlə xərçəng və krevet ovunun müddəti isə azaldılıb. Əgər bu müddət indiyə qədər mayın 1-dən noyabrın 1-nə kimi olan dövrü əhatə edirdisə, artıq bu dövr iyul ayının 1-dən noyabr ayının 1-nə qədər olacaq.

Bundan əvvəl yanvarın 1-dən aprelin 1-nə kimi və sentyabrın 1-dən dekabrın 31-nə kimi Kür çayında atılan diktorbalı torlar və üzən çay torları ilə nərə cinsli və qızıl balıqların ovuna icazə verilirdisə, artıq belə icazə olmayacaq.

Digər yenilik Kür çayında venterlər yanvar ayının 1-dən mart ayının 1-nə qədər və oktyabr ayının 1-dən dekabr ayının 31-nə qədər ilanbalığının ovuna icazə verilməsidir.

Xəzərdə olduğu kimi Mingəçevir, Araz və Varvara su anbarlarında da ixtisaslaşdırılmış ov alətləri ilə xərçəng ovuna icazə müddəti mayın 1-dən noyabrın 1-nə kimi deyil, artıq iyul ayının 1-dən noyabr ayının 1-nə qədər olacaq.

Növbəti yenilik digər su obyektlərində Göl qurbağasının ovuna icazə ilə bağlıdır. Domaca ilə Göl qurbağasının ovu may ayının 15-dən iyul ayının 30-na qədər və sentyabr ayının 1-dən noyabr ayının 1-nə qədər mümkün olacaq.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Bakıda “Prius”ların kütləvi satışına başlanıldı - Foto    

Ən çox oxunanalar