Cümə axşamı, 11 Avqust 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Akademik Musiqili Teatrda balet-tamaşanın premyerası olacaq

5 iyul saat 19:00-da Azərbaycan Dövlət Akademik Musiqili Teatrında “Premyeraların paradı” festivalı çərçivəsində "Məchul pilləkən" balet-tamaşasının premyerası olacaq.

Bəşəriyyətin ən qorxulu bəlası olan narkomaniya, eyni zamanda zərərli vərdişlərə qarşı bir təbliğat vasitəsi kimi nəzərdə tutulan bu səhnə əsərinin quruluşçu baletmeysteri, həm də baş rolun ifaçısı, gənc balet artisti Məhəmməd Abdullayev, quruluşçu rejissoru Samir Qulamov, quruluşçu rəssamı teatrın baş rəssamı Vüsal Rəhimdır.

“Məchul pilləkən”in ideya müəllifi və bədii rəhbəri Akademik Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevdir.

Teatrdan saytımıza verilən məlumata görə gənclərə bir örnək və ismarış xarakteri daşıyan bu balet-tamaşanın süjet xəttində pis vərdişlərə düçar olmuş bir gəncin bütün maneələrə baxmayaraq ağ ölümlə mübarizəsi və sonda xeyir və şər qüvvələrin çəkişməsi fonunda iradəsinin təntənəsi nümayiş olunur.

Tamaşada əsas rolu Əməkdar artist Viktoriya Şahmuradova, solo partiyaları isə Məhəmməd Abdullayevlə yanaşı, balet artisti Roman Krasnov oynayır.
Kütləvi səhnələrdə teatrın balet truppasının digər üzvləri – Aynurə Əsgərova, Rəbiyyə Əliyeva, Röya Mehrəlizadə, Elvira Əzizova, Anna Cabbarova, İlona Sementsova, Aygül Həsənova, İranə Kərimova, Kamran Həsənov və Yaqub Bəhramov çıxış edirlər.

Səhnə əsərində xarici bəstəkarların musiqilərindən, eyni zamanda Əməkdar artist Sevda Ələkbərzadənin ifasında “Getmə-getmə” mahnısından istifadə edilib. Həmçinin Samir Qulamovun ifasında Xalq şairi Ramiz Rövşənin şeirlərindən ibarət kompozisiya səsləndirilir.

Balet-tamaşa üçün biletləri şəhərin mərkəzləşdirilmiş kassalarından, “ASAN xidmət” mərkəzlərindən və “İticket.az” saytından əldə etmək olar.

pia.az

Fotolar




Etiket:


Digərxəbərlər

Ərzaq və taxıl bahalaşır... - KTN-nin bu sahədə yürütdüyü siyasət qənaətbəxşdir?

Səfər Mehdiyevin Avstriya və Sloveniyada milyonluq otelləri... - Fotolar

Populyar xəbərlər

İsmayıl Hüseynov istintaqa cəlb edilib? - İttiham var

Hacı Əliyevlə iranlı güləşçi arasında dava düşdü - Anbaan video

Azərbaycan hərbiçilərinin hərbi cinayətkar Vitali Balasanyanla görüşməsi nə qədər doğrudur? - Şərh

Balasanyan Azərbaycan generalları ilə görüşüb? - Laçında nə baş verir?

“Azərbaycan və Türkiyənin bir dövlətə çevrilməsi məsələsi gündəmə gəlsə, yaxşı olar” - Hafiz Hacıyev

İlqar Məmmədov: “Azərbaycan hökuməti məni ölkəyə buraxmayacaq”

“Putin ayrılıq yoluna daşları səssiz-sədasız döşəyəcək” 

"Ən çox şikayət olunan qurum gömrük orqanlarıdır" - Natiq Cəfərli

Leyla Əliyeva İslamiadada Azərbaycan güləşçilərinin çıxışlarını izləyir

Ən çox oxunanalar