Lisey və gimnaziyalara qəbul nəticələri gün ərzində elan olunacaq

Mərkəzləşdirilmiş qaydada həyata keçirilən lisey və gimnaziyalara qəbul imtahanının siniflər üzrə nəticələri gün ərzində müəyyən fasilələrlə elan olunacaq.

Bu barədə PİA.az-a Təhsil Nazirliyindən xəbər verilib. Bildirilib ki, bu zaman şəxsi kabinetdə qeyd olunan əlaqə nömrəsinə sms bildiriş göndəriləcək.

Nəticələrlə şagirdlərin elektron yerdəyişməsi portalında (sy.edu.az/login) şəxsi kabinetinizə daxil olaraq tanış ola bilərsiniz. Nəticələrlə tanış olduqdan sonra lisey seçimi prosesi başlayacaq və bu mərhələdə şagirdlərə 3 lisey seçimi şansı veriləcək.

Qeyd edək ki, lisey seçimi iyul ayının 4-də başa çatacaq.

Mərkəzləşdirilmiş qaydada qəbul prosesi həyata keçiriləcək lisey və gimnaziyaların siyahısı aşağıdakı kimidir:

Dövlət hesabına yataqxana və gündə 3 dəfə isti yeməklə təmin olunan lisey və gimnaziyalar:

Bakı şəhəri S.C.Pişəvəri adına Respublika humanitar fənlər gimnaziyası;
Bakı şəhəri A.S.Makarenko adına Respublika humanitar fənlər təmayüllü gimnaziya;
Bakı şəhəri S.Bəhlulzadə adına xarici dillər təmayüllü Respublika gimnaziyası;
Bakı şəhəri Fizika, riyaziyyat və informatika təmayüllü lisey;
Bakı şəhəri Kimya-biologiya təmayüllü Respublika liseyi;
Şəki şəhəri Kimya-biologiya təmayüllü lisey;
Şəmkir şəhər Kimya-biologiya təmayüllü lisey;
Şirvan şəhər Kimya-biologiya təmayüllü lisey;
Quba şəhər Fizika, riyaziyyat və informatika təmayüllü lisey;
Gəncə şəhər Fizika, riyaziyyat və informatika təmayüllü lisey;
Ağdaş şəhər M.Şeyxzadə adına humanitar və təbiət fənləri təmayüllü gimnaziya;
Biləsuvar şəhər texniki fənlər təamyüllü məktəb-lisey;
Gəncə şəhər Xarici dillər təmayüllü gimnaziya.