""Siyasi partiyalar haqqında" qanuna dəyişikliklər edilməsi bəlkə də bir ildən çoxdur ki, müzakirə edilir və aktualdır. Elə ona görə proporsional seçkinin tərəfdarıyam ki, siyasi partiyalar özlərini göstərə bilsinlər. Yəni, xalq tərəfindən səs toplaya bilən siyasi partiyalar onsuz da cəmiyyətdə özünü doğruldacaq, digərləri isə aktuallığını itirəcək. Belə olan halda, bəzi partiyalar birləşdirilə bilər. Əgər Vəhdət Partiyası da səs toplaya bilməsə, partiyanın digərilərinə birləşdirilməsi gündəmə gətirilə bilər. Lakin burada diqqət edilməsi məqamlar var, unutmaq olmaz ki, Vəhdət Partiyası tarixi partiyadır və özünəməxsus yola malikdir. Vəhdət Partiyası nə AXCP və Müsavat, nə də iqtidar kimi olub. Bizim partiya birmənalı olaraq iqtidarın yaxşısına yaxşı, pisinə pis deyib. Yəni, yeni qanun layihəsi qəbul olunar və onun əsasında müəyyən dəyişikliklər baş verərsə, Vəhdət Partiyası hansısa partiyaya bərabərhüquqluluğun qorunması şərtilə birləşdirilə bilər. Yoxsa, hansısa partiyanın içində əriyib getmək fikrimiz yoxdur".
Bunu Pravda.az-a açıqlamasında Vəhdət Partiyasının sədri, Milli Məclisin deputatı Tahir Kərimli deyib.
Onun sözlərinə görə, ölkədə təxminən 10-15 siyasi partiyanın olması optimal seçim olardı, amma yenə də dəqiq fikir bildirmək olmaz: "Misal üçün, ABŞ-da 10-dan çox siyasi partiya olsa da, onlardan daim ikisi uğur qazana bilir. Ümumiyyətlə, proporsional seçki sistemi olan ölkələrdə, adətən, 5-10 partiya öz fəaliyyətini sübut edə bilir, qalanları sıradan çıxır. Ona görə də hansı partiyaların güclü olduğunu təbii seçki üsulu müəyyən etməlidir. Hesab edirəm ki, siyasi partiyalar birləşdiriləcəyi halda belə, ideoloji yaxınlığı olan partiyalar birləşə bilər. Misal üçün, AXCP və Müsavat, sosial demokrat və kommunist partiyaları və dini ideoloji xəttə əsaslanan partiyalar birləşdirilə bilərlər".
pia.az
Digərxəbərlər
Populyar xəbərlər
