Çərşənbə axşamı, 17 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

“Hacı adamam, deyirdim, Rafael, faizə pul alma, haramdı...”

Külli miqdarda dələduzluqda ittiham olunaraq həbs edilən, həbsdə olarkən koronavirusa yoluxub vəfat edən keçmiş deputat Rafael Cəbrayılovun işi üzrə Bakı Ağır Cinayətlər Məhkəməsində növbəti məhkəmə prosesi keçirilib.

Virtualaz.org-un xəbərinə görə, prosesdə "Dərhal" MMC şirkətinin təsisçilərindən biri, mərhum deputatın qardaşı Rauf Cəbrayılov dindirilib. O, ifadəsində bütün məsuliyyəti mərhum qardaşının üstünə atıb, şirkətə faktiki rəhbərliyi qardaşının etdiyini, özünün bu işlərdə rolunun olmadığını deyib. Hansı ki, bundan əvvəl mərhum deputatın dul arvadı Aida Cəbrayılova onun hüquqi varisi qismində məhkəmədə ifadə verərkən zərərçəkənlərdən pulları əslində R.Cəbrayılovun qardaşının aldığını və mənimsədiyini göstərmişdi. Eləcə də keçmiş deputat özü həbs edilərkən pulları qardaşının mənimsədiyini deyib, onu "şərəfsiz" adlandırıb.

"Rafael deputat idi deyə, şirkətə faktiki rəhbərlik edirdi. Şirkətin hüquqi təsisçisi isə digər qardaşım Elşən və mən idim. Pul üstündə mübahisəmiz düşürdü. Mən hacı adamam, dəfələrlə deyirdim ki, faizə pul almayın, haramçılıqdı. Deyirdik ki, "Rafael, bu pulları neynirsən, kimə verirsən?" Bizim davamız daha çox onun faizə pul alması üstündə düşürdü. Dörd il idi bir-birimizi danışdırmırdıq. Satılan evlərdən mənə faiz düşmürdü. Təsis payı məndə 20 faiz, Elşəndə isə 70 faiz göstərilirdi. Şirkətin fəaliyyəti ilə Elşən məşğul olurdu. Ancaq digər məsələlərlə Rafael şəxsən özü məşğul olurdu. Açığı desəm, Rafael Milli Məclisdə olmurdu, çox vaxt şirkətdə olurdu", - Rauf Cəbrayılov deyib.

O bildirib ki, Binəqədi rayonu ərazisində 2 hektar torpağını mərhum qardaşının tanışı Fikrət vasitəsilə satıb. Və satdığı torpağa görə Fikrətin ona 50 min manat borcu qalıb.

Qeyd: ittihama əsasən R.Cəbrayılov qardaşı Rauf tərəfindən Bakı şəhər sakininə satılan, Binəqədi rayonu, M.Ə.Rəsulzadə küçəsində yerləşən 2 hektar torpaq sahəsinə dair mülkiyyət sənədinin (“çıxarış”) əldə edilməsinə kömək edəcəyi barədə torpağı alan həmin şəxsə yalandan vəd verib. Ondan 240 min manat alaraq mənimsəyib, yaxud “şəxsi ehtiyaclarına sərf edib”. Ümumən mərhum keçmiş deputat müxtəlif adamlardan milyonlarla manat pul alaraq geri qaytarmayıb. Onun pul alıb qaytarmadıqları arasında tikinti maqnatı “Şərurlu İsfəndiyar” da var. R.Cəbrayılov həm də deputat mandatını sələmçiyə girov qoyaraq pul götürməsi qalmaqalı ilə tanınmışdı.

Zərərçəkmiş Sülhiyyə Məmmədovanın vəkili Kamandar Nəsibov şahiddən tikinti işlərində rolunun nədən ibarət olduğunu soruşub. Şahid işlərin hamısını R. Cəbrayılovun apardığını, gəlirin 70 faizinin mərhum qardaşına, 30 faizinin isə digər qardaşı Elşənlə ona çatdığını deyib. Vəkil K.Nəsibov şahidin “yalan danışdığını” deyib: "Siz deyirsiz ki, şirkətin təsisçisi olmusunuz, amma aparılan işlərə qarışmamısınız. Bu necə ola bilər? Özünüzə hacı deyirsiz, amma yalan danışırsız".

Hakim Əhməd Quliyev isə mərhum deputatın məhkəmədə dediklərini yaxşı xatırladığını şahidin diqqətinə çatdırıb: "Rəfael Cəbrayılov vəfat etdiyinə görə bütün işləri onun üstünə atırsız. Onun məhkəmədə dedikləri mənim yaxşı yadımdadır. Ortada dəymiş ziyan var. Dəymiş ziyanı kim ödəməlidir? Allahı tanıyın".

Daha sonra zərərçəkmiş Bəşir Məmmədovun məhkəməyə göndərdiyi vəsatəti elan olunub. Zərərçəkmiş vəsatətində pulu Elşən Cəbrayılova ödədiyini, lakin onun cinayət məcəlləsinə cəlb olunmadığını bildirib. Bu səbəbdən zərərçəkən cinayət işinin istintaqa qaytarılmasını xahiş edir.

Məhkəmə prosesi fevralın 10-da davam edəcək. (virtualaz.org)

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Paşinyan KTMT liderləri qarşısında gülünc vəziyyətə düşdü - Video

Oqtay Əsədovun həyat yoldaşı Moskvada 14 milyon qazanıb - Fotofakt

Həbsdə olan sabiq icra başçısının cəzası azaldıldı

“Erməni”lər Lənkəranda: Qədim və səfalı kənd yer üzündən silinir - Video

Azərbaycanda yuyucu tozlar kəskin bahalaşaraq 30 manata çatdı - Foto

Borc alınması və zəmanət verilməsi qaydası dəyişdi

Bakıda dəhşət: Küçədən çürümüş körpə meyiti tapıldı

Dollar sürətlə bahalaşır: Manatı nə gözləyir? - Video

Ərdoğan: “Finlandiya və İsveçin NATO-ya üzvlüyünə razı olmayacağıq”

Putin MDB-yə KTMT-də müşahidəçi statusu verilməsini təklif etdi

“McDonalds” Rusiya bazarını həmişəlik tərk etdi

Ramiz Göyüşov Əli Əliyevi məhkəməyə verdi - Təfərrüat

Ən çox oxunanalar