Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Kriminal avtoritetin məhkəməsində şahid dindirilib: "Qətl qız üstündə oldu"

Bu gün Bakı Ağır Cinayətlər Məhkəməsində paytaxt ərazisində qətl törətməkdə təqsirləndirilən İbrahim Muxtarovun cinayət işi üzrə məhkəmə prosesində şahidlər dindirilib.

"Report"un xəbərinə görə, hakim Faiq Qəniyevin sədrliyi ilə keçirilən iclasda ifadə verən Xəlil Quliyev bildirib ki, qətl hadisəsi ilə bağlı heç bir məlumatı yoxdur.

O, təqsirləndirilən şəxsi və mərhumu tanımadığını deyib: "2014-cü ildə Rusiyadan Azərbaycana yeni gəlmişdim. Qonaqlarım var idi. Biz gecə klubunda rəqs edəndə Nicat adlı şəxs xanımlara söz atdı. Təbii ki, belə olan halda davamız düşdü. Tərslikdən bu qətl hadisəsi də eyni anda baş verib. Bu işlə bağlı heç bir aidiyyətim yoxdur. 2018-ci ildə xaricdən ölkəyə gətirildim. Davaya görə, xuliqanlıq maddəsi ilə 6 ay həbs cəzası almışam".

X.Quliyev söyləyib ki, gecə klubuna İ.Muxtarovun gəldiyini görməyib: "Ümumiyyətlə mənim onunla telefon danışığım olmayıb. Hadisədən əvvəl Rusiyaya geri qayıtmağım üçün bilet almışdım. Yəni, bu işə görə mənim qorxub xaricə qaçmağım absurddur".

Dövlət ittihamçısı isə şahidin istintaqda verdiyi ifadə ilə məhkəmədə verdiyi ifadə arasında ziddiyət təşkil etdiyini bildirib.

Daha sonra şahidin istintaqda verdiyi ifadəsi elan olunub.

Həmçinin təqsirləndirilən İ.Muxtarovun istintaqdakı dindirilməsi proses iştirakçılarının diqqətinə çatdırılıb. Məlum olub ki, İ.Muxtarov ifadəsində söyləyib ki, onu davaya X.Quliyev dəvət edib.

Şahid yenə də təqsirləndirilən şəxsi tanımadığını deyib.

Məhkəmədə şahid qismində Nicat Əbdülov da dindirilib. O, 2019-cu ildə məhkum olunduğunu deyib: "Gecə klubunda içkili idim, qıza toxundum. Sonra orada İbrahimi gördüm. Mən Xəyalla dava etdim, ara qarışdı. Dava zamanı İbrahim orada yox idi. Qıza söydüyüm üçün Xəyal məni vurdu. Rəhmətlik Böyükağa da İbrahimə hücum etdi. Ümumiyyətlə dava olana qədər İbrahimi tanımamışam. Bu işə görə isə 3 il həbs cəzası almışam".

Məhkəmənin növbəti iclası fevralın 3-nə təyin edilib.

Qeyd edək ki, hadisə 2014-cü ilin avqustun 16-da Bakıda yerləşən gecə klublarının birində qeydə alınıb.

Belə ki, İ.Muxtarov Böyükağa Əliyevi qətlə yetirib. Daha sonra o, istintaqdan yayınıb, "İnterpol" xətti ilə axtarışa verilib və 2021-ci ildə həbs edilib.

İstintaq orqanları tərəfindən İ.Muxtarovun barəsində Cinayət Məcəlləsinin 120.2.2-ci (qəsdən adam öldürmə, xuliqanlıq niyyəti ilə adam öldürmə) maddəsi ilə ittiham irəli sürülüb.

Xatırladaq ki, İ.Muxtarovun kriminal aləmin üzvü olduğu bildirilir.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

“Qarabağ”ın baş məşqçisi cəzalandırılıb

Paşinyan: Əks halda həftənin sonunda müharibə olacaq...

Nömrəsini sərnişinə vermək istəyən sürücü cəzalandırıldı - Açıqlama

Ramazan ayının doqquzuncu gününün imsak, iftar və namaz vaxtları    

Prezident Xankəndidə Novruz tonqalını alovlandırıb, xalqı təbrik edib - Yenilənib

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Ən çox oxunanalar