“Real Madrid”in sabiq oyunçusu futbolçunun həyatını xilas etdi 

“Al-Rayyan” klubunun kolumbiyalı yarımmüdafiəçisi Xames Rodriqes Qətər çempionatının 13-cü turunda rəqib “Al-Vakru” klubunun müdafiəçisi Usman Kulibalinin həyatını xilas edib.

Oyunun birinci hissəsində Kulibali huşunu itirib.

Həkimlər özünü hadisə yerinə çatdırana qədər Xames Rodriqes meydanda yerə sərilmiş Kulibalinin başını qaldıraraq onun rahat nəfəs ala bilməsinə şərait yaradıb.

Malili futbolçu xəstəxanaya çatdırılıb.

Həkimlər U.Kulibalinin infarkt keçirdiyini təsdiqləyib.

Hazırda futbolçunun səhhəti normaldır.

pia.az