Rusiyanın Superjob.ru portalı nəzdindəki Tədqiqat Mərkəzi ölkə əhalisinin 2022-ci ildə ən çox nədən qorxduğunu öyrənmək üçün sorğu keçirib.
Novator.az-ın məlumatına görə, sorğuda Rusiyanın iqtisadi cəhətdən fəal əhalisinin 1600 nümayəndəsi iştirak edib.
Sorğu göstərib ki, rusiyalılar ən çox yoxsulluqdan, iş yerlərini itirməkdən, özlərinin və yaxınlarının ağır xəstəliyə tutulmasından qorxurlar.
Respondentlərin 29%-i yoxsulluqdan qorxduğunu deyib.
İş yerini itirməkdən və ürəyincə iş tapa bilməməkdən qorxanlar 28% təşkil edib.
Sorğu iştirakçılarının 15%-i özlərinin və ya yaxınlarının ağır xəstəliyə tutulmasından, o cümlədən COVİD-19 infeksiyasına yoluxmaqdan qorxduğunu bildirib.
Respondentlərin 11%-i 2022-ci ilin əvvəlki illərdən daha pis olacağından qorxduğunu açıqlayıb.
Kişi repondentlər arasında 2022-ci ildə tənhalığa ürcah olmaqdan və rublun dəyərdən düşəcəyi sarıdan qorxduğunu deyənlər də olub.
Sorğu iştirakçılarının 6%-i distant təhsil ucbatından övladlarının yetərincə bilik ala bilməyəcəyindən, həmçinin onların ali məktəbi bitirə bilməyəcəyindən, pandemiya məhdudiyyətlərinin uzadılacağından qorxduğunu diqqətə çatdırıb.
Sərhədlərin bağlanması səbəbindən 2022-ci ildə xaricdə istirahət edə bilməyəcəyindən qorxanlar 3% təşkil edib.
Sorğuya qatılanların 4%-ni qorxudan digər səbəblər (o cümlədən hərbi münaqişələrin baş verməsi) də qeydə alınıb.
Respindentlərin 21%-i heç nədən qorxmadığını vurğulayıb. Belə respondentlərin əksəri yaşı 45-dən, aylıq gəliri 80 min rubldan (1780 manat) yuxarı olanlardır.
pia.az
Digərxəbərlər
Populyar xəbərlər
