Azərbaycan İstiqlal Muzeyində 44 günlük Vətən Müharibəsi şəhidlərinin xatirəsini yad etmək və vətənpərvərliyin təbliği məqsədi ilə “Qəhrəmanlar Can Verir Yurdu Yaşatmaq üçün” adlı layihə çərçivəsində növbəti tədbir – sərgi keçirilib.
Tədbirdə 44 günlük Vətən Müharibəsində Azərbaycan Ordusunun, hərbiçilərinin göstərdikləri qəhrəmanlıq nəticəsində 30 ilə yaxın işğalda qalmış torpaqlarımızın azad olunmasından söhbət açılıb. Ümummilli lider Heydər Əliyevin siaysi xəttinin davamçısı Ali baş komandan cənab Prezident İlham Əliyevin “Dəmir Yumruğunun” ətrafında Azərbaycan xalqı sıx birləşərək vətən həsrətinə son qoydu.
Qeyd edilib ki, Vətən torpaqlarının işğaldan azad olunmasında xidmətlər göstərmiş qəhrəmanlarımıza və onların ailə üzvlərinə diqqət və qayğı daima Azərbaycan Dövlətinin və Prezident cənab İlham Əliyevin nəzərində olmuşdur.
Daha sonra tədbir iştirakçıları şəhidlərimiz polkovnik – leytenant Rəşad Quliyevin, eyni gündə şəhidlik zirvəsinə ucalmış iki qardaş kiçik çavuş Əli Əhmədov, müddətdən artıq hərbi qulluqçu İslam Əhmədov və erməni terror nəticəsində şəhidlik zirvəsinə ucalmış Fidan Qurbanovaya həsr olunan sərgi ilə tanış olublar. Sərgidə şəhidlərimizin həyatının müxtəlif illərinə, xidməti fəaliyyətinə həsr olunan fotoşəkillər və şəxsi əşyaları nümayiş olunub.
Tətdbirdə şəhid ailələri, 316 saylı tam orta məktəbin şagirdləri, Azərbaycan Memarlıq və İnşaat Universitetininin tələbələri və digər qonaqlar iştirak edib.
Azərbaycan İstiqlal Muzeyində təşkil olunan sərgi oktyabr ayının 31-ə qədər davam edəcək.
pia.az
Fotolar
Digərxəbərlər
Populyar xəbərlər
